[17-01-2011] Para equilibrar a dieta diaria de todos os nenos e nenas de Ames a nutricionista prepara un menú cos almorzos e merendas que se servirán dentro dos servizos complementarios (Bos día Cole e Tardes Divertidas) que se desenvolven nos centos de ensino amienses. Picando na ligazón que hai ao pé deste anuncio poderás descargar este menú.

[14-01-2011] Unha visita polas obras fundamentais da colección Zanchi datadas entre os séculos XV ao XIX que recolle as pezas de artistas europeos da talla de Miguel Anxo, Tiziano, Caravaggio, Van Dyc, Rubens ou Durero, artistas cuxas obras constitúen un fito importantísimo na historia do arte e que resultan fundamentais para entender a evolución do arte europeo. 16 membros da Escola de Maiores tiveron a oportunidade de pórse fisicamente fronte a estas pezas e analizalas coa axuda dunha guía que lles foi explicando o contexto artístico e histórico no que se encadraba cada obra e aportándolles aos visitantes unhas sinxelas explicacións sobre o contido dos lenzos e as interpretacións simbólicas dos elementos que aparecían recollidas nestas. Á visita contou coa presenza da concelleira de Benestar Social e Igualdade, Isabel González, e de Leonardo Pena, técnico de servizos sociais, xa que esta é unha iniciativa deste departamento realizado a través da Oficina do Voluntariado de Ames. Así, a concelleira acompañou aos alumnos da escola de maiores e compartiu con eles, despois da visita, un momento de descanso no que estes mostraron á concelleira a importancia de que o concello, que puxo á disposición dos visitantes o autobús para trasladarse a Santiago, continúe a realizar este tipo de actividades que os interesados califican de "moi importante á hora de axudarnos a ampliar a nosa cultura".

[14-01-2011] Este mediodía no Salón de Plenos da casa do concello de Ames tivo lugar a entrega dos diplomas que acreditan aos tres comercios gañadores do V Concurso de Escaparatismo así como os premios económicos outorgados en función do posto obtido: 800 euros para o gañador, 600 para o comercio que obtivo o 2º posto e 400 para o 3º. Os comercios que mellor puntuación obtiveron foron Labralia Bertamiráns, Panadería Artesana e Principiños, que nesta V edición ocuparon o podio dos gañadores. Todos eles xa recibiron unha insignia acreditativa para poñer nos escaparates durante o Nadal permitíndolles desta forma aos compradores identificar aos tres gañadores do concurso e aos donos destes comercios ter un elemento máis de exclusividade e garantía de calidade.

[13-01-2011] Colaboran na prevención e extinción dos incendios forestais. Realizan traballo de limpeza e mantemento dos roteiros e espazos de lecer municipais, ocúpanse da erradicación de vertedoiros incontrolados -152 ao longo do 2010-, encárganse da recollida de animais mortos e abandonados -151 en total o ano pasado- e colaboran coa Aula da Natureza en actividades de educación ambiental. A Brigada de Garda Medioambiental do Concello traballa, día a día, a prol da saúde do medio en Ames desde moi distintas frontes.