Este mércores, 15 de maio, realizouse o sorteo de prazas para o campamento xuvenil Diverlanhoso, situado en Portugal. Premendo nos enlaces que están a túa dereita, baixo o apartado de descargas, poderás obter a listaxe cos usuarios/as que obtiveron praza tralo sorteo. Os/as solicitantes que non obtiveran praza poderán continuar na lista de agarda ou optar ao campamento “Aventura en Asturias”, que dispón de 30 prazas libres. En calquera caso, a decisión deberá ser comunicada á Concellería de Mocidade antes do 22 de maio inclusive.

A Concellaría de Mocidade, a través da Oficina Municipal de Información Xuvenil (OMIX), oferta un novo curso gratuíto de primeiros auxilios, que se impartirá todos os luns, martes e mércores, do 3 ao 25 de xuño. A actividade, que terá lugar na Casa da Cultura de Bertamiráns, en horario de 20.00 a 22.00 horas, está dirixida preferentemente a persoas empadroadas entre os 16 e 35 anos e conta con un número de prazas limitadas que se irán cubrindo por rigorosa orde de inscrición. O prazo para presentar as solicitudes de inscrición estará aberto ata o vindeiro 21 de maio. Premendo no enlace que está a túa dereita, baixo o apartado de descargas, poderás obter a ficha de inscrición.

O Concello de Ames pon á disposición das persoas con dificultade de mobilidade un vehículo especialmente habilitado para que poidan participar nas eleccións municipais e ao Parlamento Europeo que se celebran o domingo 26 de maio de 2019. As persoas interesadas deberán poñerse en contacto cos encargados da xestión do transporte chamando ao teléfono gratuíto 900 204 000, en horario de 9:00 h a 14:00 horas, ata o xoves 23 de maio, para facer a reserva do servizo. O transporte adaptado ofrece o servizo de recollida no seu domicilio, transporte ata a mesa electoral e regreso ao seu domicilio.

O Concello de Ames informa de que xa están expostas as listas provisionais de usuaurios/as admitidos/as no programa Xuño Lúdico. Premendo nos enlaces que están a túa dereita, baixo o apartado de descargas, poderás consultar as listas de Bertamiráns e Milladoiro. Debido a Lei de Protección de Datos non se poden publicar datos de carácter persoal nesta lista, pero pódese comprobar se unha rapaza ou rapaz está admitido a través do número de rexistro que figura nesta lista e na copia do impreso de inscrición de cada usuaria/o. As listas tamén se pode consultar nas oficinas do departamento de Educación, situadas no Pazo da Peregrina, nas portas de entrada da Casa do Concello e nas oficinas municipais do Milladoiro. O prazo para emendar defectos remata o vindeiro 28 de maio.