Solapas principales

Departamento de Bibliotecas

    • Biblioteca Municipal de Bertamiráns: Praza de Chavián s/n. 15220. Bertamiráns, Ames
    • Biblioteca Municipal de O Milladoiro: Rúa Raxoeira, nº 14 baixo. 15895. O Milladoiro, Ames
    • Horario de atención al público:
      • Invierno: (16 de septiembre al 15 de junio)
      • De Lunes a Viernes: de 9.00 a 20.50h.
      • Sábados: de 9.00 a 13.50h.
      • Verano: (16 de junio a 15 de septiembre)
      • De Lunes a Viernes: de 9.00 a 14.00h.
    • Responsable municipal: Concejalía de Cultura
Otros Datos: 
  • Programación actividades bilbiotecas outubro-decembro 2020
  • Funciones:
    • Reunir, organizar y poner a disposición de la comunidad un conjunto equilibrado de materiales bibliográficos, gráficos, audiovisuales o en otros soportes, que permitan el acceso a la información y a ahondar en los distintos campos del conocimiento.
    • Ser en sí misma el centro básico de información del área a la que sirve.
    • Promover, estimular y fomentar el uso de sus fondos entre la ciudadanía, mediante los servicios necesarios y las actividades educativas y culturales complementarias, incidiendo en la población infantil y juvenil y en los colectivos de usuarios/as con características especiales.
    • Cooperar con las demás bibliotecas mediante el intercambio de información, préstamo interbibliotecario y realización conjunta de actividades.
  • Normativa:

-Reglamento de la Biblioteca Municipal de Ames

  • Ley de Bibliotecas de Galicia:

-Descargar PDF.

  • Documentos:

-Catálogo de la Biblioteca.

-Guía de la Biblioteca.

-Inscripción en la biblioteca.

  • Centros de interés:

-Descargar PDF.

  • Secciones por edades:

-Descargar PDF.

  • Desideratas:

-Descargar PDF.

 

Noticias del departamento

As bibliotecas amesás premiarán aos seus Superlectores na súa nova campaña de animación á lectura

Con motivo do Día das persoas usuarias das bibliotecas, este martes 11 de xaneiro o departamento de Bibliotecas de Ames lanza a campaña Superlectores, coa que busca recoñecer ao seu público infantil e xuvenil máis fiel, á vez que presentan o seu fondo ás persoas que non o coñezan. Cada usuaria ou usuario de entre 0 e 18 anos poderá conseguir unha tarxeta de Superlectora ou Superlector, que irán enchendo de selos con cada préstamo para participar nun sorteo de libros que terá lugar o sábado 2 de abril, Día do libro infantil.

As bibliotecas de Ames celebran o mes do libro cunha ampla variedade de actividades, concursos e sorteos

O departamento de Bibliotecas do Concello de Ames prepara co gallo da celebración do mes do libro unha serie de obradoiros, sesións de narrativa oral, concursos e sorteos coa lectura e a literatura como temática central. As actividades comezan este 31 de marzo co espectáculo de música e narrativa “Little Neno”, mentres que catro librarías do concello reparten participacións dende este luns 28 ata o sábado 23 de abril para un sorteo de 800 euros en cheques de compra.

As bibliotecas de Ames continúan en novembro coa súa programación de actividades de animación á lectura para o público infantil

Os primeiros prazos de inscrición das actividades da animación á lectura para a rapazada xa están abertos nas bibliotecas de Ames, que acollen dúas propostas durante este mes de novembro: “Coma gatos e ratos”, unha sesión de contacontos pensada para nenas e nenos dos 3 aos 8 anos, e “Excelentes mulleres científicas”, un obradoiro co gallo do Mes da Ciencia en Galego para a rapazada dende 3º ata 6º de primaria. Ambas actividades repetiranse nas bibliotecas do Milladoiro e de Bertamiráns, cos seus respectivos horarios.

As bibliotecas de Ames continúan en xuño as presentacións de libros, organizando dúas esta semana

O departamento de Bibliotecas amesán acolle esta semana dúas novas presentacións de libros, achegando un mes máis novos proxectos literarios á veciñanza. Estas actividades terán lugar este mércores 8 e o xoves 9, no Pazo da Peregrina de Bertamiráns, a partir das 20:00 horas. A primeira delas será “Cuestión social: protocolo, boas maneiras e imaxe”, da escritora e experta en protocolo social Margarita Murillo, que busca aproximarnos de xeito sinxelo a esta serie de hábitos e condutas. Por outra parte, o xoves será a quenda da escritora Charo Pita e da obra “Retratos en branco e negro”, unha serie de retratos fantasmais onde o cotián e o extraordinario se mesturan.

As bibliotecas de Ames organizan esta semana dúas novas presentacións de libros

O departamento de Bibliotecas amesán acolle esta semana dúas novas presentacións de libros, achegando un mes máis novos proxectos literarios á veciñanza. Estas actividades terán lugar este mércores 15 e o xoves 16, no Pazo da Peregrina de Bertamiráns, a partir das 20:00 horas. A primeira delas será “Unha cervexa Chang”, do escritor Manuel Portas que explora mares narrativos que nunca antes navegara, introducíndonos no mundo da investigación pseudodetectivesca, no do comercio ilegal dos tesouros perdidos e nunha trama en que nada é o que a priori pode parecer. Por outra parte, o xoves será a quenda da escritora Sica Romero que vai presentar a súa primeira novela  “Avelaíñas Eléctricas”, a historia de dúas rapazas que intentan fuxir dos seus lobos e das súas sombras. Esta será  a última presentación deste curso.

As bibliotecas de Ames organizan un obradoiro de creación de postais que se desenvolverá o venres 24 e o sábado 25 de marzo

As bibliotecas municipais de Ames preparan un novo obradoiro co gallo da celebración do Día Mundial da Poesía. O taller, que está dirixido á rapazada de 3º a 6º de Primaria, terá lugar o venres 24 de marzo no Milladoiro, e o sábado 25 en Bertamiráns. É preciso anotarse previamente para participar, entre hoxe, día 13, e o vindeiro mércores 22. As inscricións poden facerse escribindo ao enderezo electrónico biblioteca@concellodeames.gal ou chamando aos números 981 53 08 07 (no caso de querer asistir ao obradoiro do Milladoiro) ou 981 88 48 29 (no caso de querer asistir ao de Bertamiráns).  

As bibliotecas de Ames presentan a súa programación para o mes de decembro e comezos de xaneiro

As bibliotecas municipais do Concello organizaron unha serie de actividades infantís e dirixidas a adultos durante o mes de decembro e comezos do próximo mes de xaneiro. Na nova programación haberá contacontos, obradoiros creativos e coloquios con invitadas especiais. Ademais, todos os mércores organízanse os #Dixicontos, aos que se pode acudir virtualmente a través da páxina de Facebook da biblioteca para que os máis pequenos creen contos.

As bibliotecas de Ames presentan a súa programación para o mes de marzo que xira en torno á celebración do Día da Muller e do Día da Poesía

As bibliotecas municipais do Concello de Ames organizaron unha serie de actividades para o mes de marzo relacionadas coas dúas grandes celebracións do mes: o Día da Muller e o Día da Poesía. Dita programación recolle varias presentacións. O 10 de marzo realizarase a presentación da obra Irmandiñas, con Aurora Marco, acompañada do grupo musical Barahúnda. O 17 de marzo presentarase a obra Libres e Vivas coa presentación de varias autoras. As dúas presentacións serán no Pazo da Peregrina, ás 20.00 horas. Ademais, o 12 de marzo, ás 20.00 horas, proxectarase na Casa da Cultura do Milladoiro o documental Vértices de Versos sobre a poesía galega contemporánea, mentres que o martes 23 de marzo, tamén no Pazo da Peregrina, realizarase unha sesión de recitais de poesía e faladoiro sobre a poesía actual en Galicia.

As bibliotecas de Ames presentan a súa programación para o público infantil do último trimestre

O departamento de Bibliotecas do Concello de Ames vén de anunciar a súa programación infantil para os meses de outubro, novembro e decembro, con obradoiros e sesións de narrativa oral que terán lugar tanto na biblioteca do Milladoiro como na de Bertamiráns. A programación comezará o vindeiro 27 de setembro, co obradoiro de cómic impartido por Santy Gutiérrez na Casa da Cultura do Milladoiro. A ilustración central do cartel xeral do curso 2024/2025 foi elaborada polo gañador da terceira categoría do concurso de debuxo infantil organizado polas bibliotecas con motivo do Día do Libro.

As bibliotecas de Ames presentan as súas actividades de animación á lectura para o público infantil do último trimestre

O departamento de Bibliotecas do Concello de Ames vén de anunciar a súa programación infantil para os meses de outubro, novembro e decembro, cunha serie de seis obradoiros e sesións de narrativa oral que terán lugar tanto na biblioteca do Milladoiro como na de Bertamiráns. O prazo para inscribirse en “Xogando cos contos”, unha sesión de contacontos dirixida a nenas e nenos dos 3 aos 8 anos, xa está aberto dende hoxe 26 de setembro.

Eventos del departamento

> Obradoiro de Nadal

O departamento de Bibliotecas organiza un obradoiro de Nadal na biblioteca do Milladoiro o venres 15 de decembro e outro na biblioteca de Bertamiráns o sábado 16 de decembro. As inscricións pódense facer entre o 1 e o 15 de decembro chamando aos teléfonos 981 530 807/981 884 829 ou escribindo ao enderezo electrónico biblioteca@concellodeames.gal. 

> Obradoiro de pintado de camisetas polo Día de Rosalía

As bibliotecas amesás retoman as súas actividades para a rapazada de 3º a 6º de primaria, cun obradoiro de pintado de camisetas co gallo da celebración do Día de Rosalía. Os nenos e nenas máis maiores de primaria decorarán as prendas con algúns dos versos da escritora, cos que traballarán ao longo da xornada, e pintarán unha ilustración co seu retrato. Os talleres terán lugar o venres 25 no Milladoiro e o sábado 26 en Bertamiráns, ás 17:30 horas e ás 11:30 horas respectivamente. O prazo de inscrición abre o luns 14 e rematará o mércores 23 de febreiro.

> Obradoiro de “fanzines” de Florencio Delgado Gurriarán

As bibliotecas amesás dedican en maio as actividades de animación á lectura para a rapazada de 3º a 6º de primaria á celebración do Día das Letras Galegas. Neste senso, organizan un obradoiro de imprenta no que se elaborará un “fanzine” sobre o escritor homenaxeado en 2022, Florencio Delgado Gurriarán. Os talleres terán lugar no Milladoiro o venres 20 de maio, ás 17:30 horas, mentres que en Bertamiráns a sesión será o sábado 21, ás 11:30 horas.

> Obradoiro literario polo Día da Biblioteca

“As cousas pequenas contan” é unha das propostas de animación á lectura infantil de outubro das bibliotecas de Ames. O taller, dirixido á rapazada de 3º a 6º de primaria, terá lugar o venres 21 de outubro ás 17:30 horas, no Milladoiro, e o sábado 22, ás 11:30 horas, en Bertamiráns.

> Obradoiro polo Día da Poesía en Bertamiráns

Co gallo da celebración do Día da Poesía o 21 de marzo, as bibliotecas organizan “Convértete en artista!”, un obradoiro de creación de poemas e estampado nunha bolsa para libros, dirixido a nenos e nenas de 3º a 6º de primaria. A actividade terá lugar en Bertamiráns o sábado 19, ás 11:30 horas.

> Obradoiro polo Día da Poesía no Milladoiro

Co gallo da celebración do Día da Poesía o 21 de marzo, as bibliotecas organizan “Convértete en artista!”, un obradoiro de creación de poemas e estampado nunha bolsa para libros, dirixido a nenos e nenas de 3º a 6º de primaria. A actividade terá lugar o no Milladoiro o venres 18, ás 17:30 horas.

> Obradoiro polo Día Mundial da Ciencia

“Biotecnólogos resolven un crime na biblioteca” é unha das propostas de animación á lectura infantil de novembro das bibliotecas de Ames. O taller, dirixido á rapazada de 3º a 6º de primaria, terá lugar o venres 11 de novembro ás 17:30 horas, no Milladoiro, e o sábado 12, ás 11:30 horas, en Bertamiráns.

> Obradoiro: "Desprega a túa imaxinación"

O departamento de Bibliotecas do Concello de Ames organiza un obradoiro para a rapazada a partir de 3º de Primaria, "Despega a túa imaxinación". Celebrarase na biblioteca do Milladoiro o venres 20 de outubro, ás 17:30 horas, e na biblioteca de Bertamiráns o sábado 21, ás 11:30 horas. As inscricións están abertas dende o 9 ata o 18 de outubro, chamando aos números 981 53 08 07 / 981 88 48 29 ou escribindo ao enderezo electrónico biblioteca@concellodeames.gal. 

> Presentación de libros: “As casualidades necesarias”

As bibliotecas amesás celebran neste mes de maio, co gallo da celebración do Día das Letras Galegas, tres presentacións de libros na nosa lingua. O primeiro deles será “As casualidades necesarias”, da escritora cambadesa Amelia Xesteira Cova, falecida recentemente. O seu amigo e escritor Daniel Pino presentará a terceira edición desta novela, que inclúe un limiar de Pino coma homenaxe á escritora Será este mércores 4 de maio no Pazo da Peregrina de Bertamiráns, ás 20:00 horas. Acompañarán a Daniel Pino o profesor e investigador Luís Cochón e o xornalista Perfecto Conde, nun acto presentado pola concelleira de Cultura, Natividade González. A entrada será libre ata completar aforo.

> Presentación de libros: “O idioma galego baixo o franquismo”

As bibliotecas amesás celebran neste mes de maio, co gallo da celebración do Día das Letras Galegas, tres presentacións de libros na nosa lingua. Deste xeito, o escritor Henrique Monteagudo presentará o seu ensaio “O idioma galego baixo o franquismo”, publicado pola editorial Galaxia.  Será este xoves 5 de maio no Pazo da Peregrina de Bertamiráns, ás 20:00 horas. O autor estará acompañado do catedrático e membro da RAG, Ramón Lorenzo, e da escritora María López Sández, nun acto presentado pola concelleira de Cultura, Natividade González. A entrada será libre ata completar aforo.