A Xunta de Goberno Local vén de aprobar o expediente de licitación, mediante procedemento aberto simplificado, tramitación anticipada, con varios criterios de adxudicación, do contrato de obras de rexeneración do campo de fútbol de céspede artificial de Bertamiráns. A licitación deste proxecto faise despois do convenio asinado entre a Deputación da Coruña e mailo Concello de Ames a través do cal se van investir 357.303 euros, para dotar a esta instalación dun novo terreo de xogo de céspede artificial de última xeración e dunha bancada máis cómoda para os espectadores. O convenio para cofinanciar ditos traballos foi aprobado o pasado 13 de setembro no pleno da Deputación da Coruña. A Deputación achegará o 80% da contía total, 285.906 euros, mentres que o Concello de Ames porá o 20% restante, 71.397 euros.

A Xunta de Goberno Local vén de aprobar o expediente de contratación, mediante procedemento aberto simplificado, tramitación ordinaria, cun único criterio de adxudicación (o factor prezo) das obras de construción duns vestiarios baixo a grada do campo fútbol do Milladoiro, convocando así a súa licitación. O orzamento base de licitación de dito proxecto ascende á contía de 81.743,12 euros e sufragarase con cargo ao POS Adicional 1/2019. Esta actuación enmárcase dentro do proxecto de construción de gradas e novos vestiarios para esta instalación deportiva. Nunha primeira fase construíronse as gradas cubertas e agora vanse a executar un novos vestiarios baixo ditas gradas.

Este pasado domingo, 5 de xuño, disputouse nas pistas do estadio Gregorio Pérez Rivera, en Lugo, o campionato galego ao aire libre de atletismo para as categorías sub 10, sub 12 e sub 14. O club Ames Atletismo acudiu cun total de 9 atletas logrando representación nas tres categorías. En canto aos resultados obtidos cómpre destacar a medalla de bronce de Ariana Collazo en lanzamento de disco logrando a sua mellor marca persoal. Ademais, dende o club Ames Atletismo lembran que está aberto o prazo de inscrición para o campus de verán, que organizan en xuño e setembro e  que se desenvolverá na area deportiva de Bertamiráns.

A praia fluvial de Tapia acolle este domingo, 11 de agosto, a XXXIV edición do descenso do Tambre. Arredor de 150 padexeiros e padexeiras de clubs de toda Galicia xuntaranse na tradicional baixada do Tambre. O Club de piragüismo Ribeiras do Tambre, xunto co Concello de Ames e maila Federación Galega de Piragüismo, organizan esta competición que chega a súa trixésimo cuarta edición. A proba de descenso, que ten un percorrido de 5.400 metros de distancia, realizarase ás 16:00 horas, mentres que a proba de circuíto na que participan rapaces e rapazas das categorías benxamín, alevín e infantil desenvolverase a partir das 17:00 horas na praia fluvial de Tapia. As embarcacións que poden participar nesta proba son K-1 e C-1.