Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

A XIV Gala do Deporte homenaxeou aos máis destacados/as deportistas e entidades deportivas do Concello de Ames

A Casa da Cultura do Milladoiro acolleu o pasado sábado, 29 de febreiro, a décimo cuarta Gala do Deporte do Concello de Ames. O evento homenaxeou ás máis destacadas e destacados deportistas do concello e entidades deportivas. A gala foi presentada polos xornalistas Lorena Pose e Diego Viaño e contou con diversas actuacións. Neste evento colaboraban a Deputación da Coruña, a Xuntanza de Empresarios de Ames (XEA) e a Asociación de Empresarios Novo Milladoiro. Podes ver máis imaxes sobre o evento premendo aquí.

A Xunta de Goberno Local aproba a adxudicación do proxecto de renovación do terreo de xogo do campo municipal de fútbol de Bertamiráns

Este venres, 5 de xuño, retomáronse as sesións de Xuntas de Goberno Local trala aprobación o día 1 de xuño dun decreto por parte de Alcaldía no que se deixaba sen efecto a avocación, durante a duración do estado de alarma, da totalidade das competencias delegadas pola Alcaldía na Xunta de Goberno Local. Nesta sesión aprobouse a acta da sesión do 13 de marzo, diversos expedientes urbanísticos, un expediente de contratación relativo á adxudicación do proxecto de renovación do terreo de xogo do campo municipal de fútbol de Bertamiráns, e maila aprobación do prezo público dos campamentos urbanos de natureza do Concello de Ames.

A Xunta de Goberno Local aproba o expediente de licitación para crear unha nova área verde na zona sur do Milladoiro

A Xunta de Goberno Local aprobou o 10 de febreiro o expediente de licitación, mediante procedemento aberto simplificado do contrato de obras para a xeración de percorridos ambientais de gran valor paisaxístico no Milladoiro, que estará cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020. O importe base de licitación ascende a 151.338,83 euros. Deste xeito, vanse crear dúas novas sendas peonís para pasear e facer deporte no monte que se atopa na contorna das rúas do Rego e da Costa Grande, e por debaixo do viaduto da AP-9. Tamén se vai mellorar o parque canino que esta situado nesta zona e crear un nova área deportiva cun circuíto biosaludable.

A XXI Carreira Pedestre Popular Concello de Ames celebrarase o vindeiro domingo 23 de outubro

A Carreira Pedestre Popular Concello de Ames volve na que é xa a súa vixésimo primeira edición, despois de dous anos de paro obrigado pola situación epidemiolóxica. A proba, que se desenvolverá o próximo domingo 23 de outubro, contará cun circuíto de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo. O prazo de inscrición para participar na carreira xa está aberto ata o mércores 19 de outubro ás 23:59 horas, e pode realizarse tanto na páxina web www.carreirasgalegas.com como de xeito presencial, no establecemento Deportes Amesport, en Bertamiráns. Non se admitirán inscricións fóra do prazo establecido nin se admitirán inscricións o día da carreira.

A XXI Carreira Pedestre Popular do Concello de Ames reunirá a máis de 1.300 corredores

Este domingo, 23 de outubro, celébrase a XXI Carreira Pedestre Popular do Concello de Ames. O evento deportivo, que se volve a organizar tras dous anos de paro por mor da situación epidemiolóxica, terá lugar na localidade da Bertamiráns e na súa contorna e conta cun circuíto de dez quilómetros que está homologado pola Real Federación Española de Atletismo. Este ano hai inscritas máis de 1.300 persoas: 665 nas categorías absoluta e sub-18 e 652 nas escolares. Premendo nesta ligazón pódese consultar o regulamento ao completo da carreira pedestre.

A XXII Carreira Pedestre Popular do Concello de Ames reunirá a preto de 1.200 corredores

Este domingo, 22 de outubro, celebrarase de novo a Carreira Pedestre Popular do Concello de Ames, que alcanza a súa vixésimo segunda edición. A proba contará cun circuíto de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo. Este ano debido ás obras que se están realizando nas rúas Ameneiral e Entrerríos, as probas das categorías escolares realizaranse na zona do paseo fluvial. Nesta edición hai inscritas máis de 1.151 persoas: 511 nas categorías absoluta e sub-18, mentres que nas categorías escolares hai  640 rapaces e rapazas inscritos. Non se admiten inscricións fóra de prazo nin o día da carreira. Premendo nesta ligazón pódese consultar o regulamento ao completo e os horarios da XXII Carreira Pedestre Popular do Concello de Ames.

Aberta a inscrición ata o 20 de maio nos campamentos deportivos de verán da Deputación da Coruña

A Concellaría de Deportes informa de que xa está aberto o prazo para inscribirse nos campamentos deportivos de verán que organiza cada ano a Deputación da Coruña. Neste senso, Ames contará con catorce prazas na segunda quenda dos campamentos, que terán lugar do 3 ao 8 de xullo no IES Rosalía Mera, na Coruña. As persoas interesadas na actividade, dirixida á rapazada de entre 9 e 14 anos xa cumpridos, deben entregar esta solicitude cumprimentada e asinada nalgún dos rexistros municipais do Concello de Ames, ou ben a través da Sede electrónica, ata o venres 20 de maio.

Aberta a inscrición ata o 7 de xuño nos campamentos deportivos de verán da Deputación da Coruña

A Concellaría de Deportes informa de que xa está aberto o prazo para inscribirse nos campamentos deportivos de verán que organiza cada ano a Deputación da Coruña. Neste senso, Ames contará con 10 prazas na terceira quenda dos campamentos, que terán lugar do 16 ao 21 de xullo no IES Rosalía Mera, na Coruña. As persoas interesadas na actividade, dirixida á rapazada de entre 9 e 14 anos xa cumpridos, deben entregar esta ficha de inscrición cumprimentada e asinada nalgún dos rexistros municipais do Concello de Ames, ou ben a través da Sede electrónica ata o 7 de xuño.

Aberta a inscrición para participar na III edición do Trail e Andaina Ribeiras do Tambre

O Concello de Ames e a Federación Galega de Atletismo organizan a III edición do “Trail e Andaina Ribeiras do Tambre”, que se desenvolverá o próximo 20 de febreiro. A saída do trail terá lugar ás 10:00 horas dende Ponte Maceira. Cinco minutos máis tarde, e desde o mesmo lugar, sairá a andaina. Para participar é necesario inscribirse en carreirasgalegas.com ou en emesports.es. O prazo remata o 16 de febreiro ás 23:59 horas. A proba enmárcase dentro da especialidade atlética do trail-running e estará baixo o control técnico do Comité Galego de Xuíces da Federación Galega de Atletismo. Poderá participar calquera deportista, estea ou non federado. Os inscritos e inscritas correrán cunha licenza de día de trail-running, que incluirá un seguro de accidentes deportivos e de responsabilidade civil.

Aberta ata o 28 de maio a inscrición nos campamentos deportivos de verán da Deputación da Coruña

A Concellaría de Deportes informa de que xa está aberto o prazo para inscribirse nos campamentos deportivos de verán que cada ano organiza a Deputación da Coruña. Neste senso, Ames contará con 14 prazas na terceira quenda dos campamentos, que terán lugar do 7 ao 12 de xullo no IES Rosalía Mera, na Coruña. As persoas interesadas na actividade, dirixida á rapazada de entre 9 e 14 anos xa cumpridos empadroada en Ames, deben entregar esta ficha de inscrición cumprimentada e asinada nalgún dos rexistros municipais do Concello de Ames, ou ben a través da Sede electrónica ata o 28 de maio.

Eventos del departamento

>Andaina circular SaúdeAndo

O programa SaúdeAndo 2025 continúa neste mes de febreiro. Estes percorridos, organizados pola Concellaría de Promoción da Saúde, organízanse cada xoves de semanas alternas ao longo de todo o ano nas localidades de Bertamiráns e do Milladoiro. Son rutas de dificultade media-baixa e que contan cunha duración aproximada de entre unha hora e hora e media.

>Andaina O Milladoiro-Bertamiráns

Dentro da "Semana Europea da Mobilidade" o domingo 22 de setembro, ás 10:00 horas, terá lugar unha andaina pola senda verde que une o Milladoiro con Bertamiráns. A andaina partirá da igrexa de San Xosé do Milladoiro.

>Andaina saudable Camiño de Santiago a Fisterra

A Concellaría de Deportes e Promoción da Saúde, dentro do programa de Andainas Saudables, organiza unha nova camiñada na que se vai percorrer o Camiño Real de Santiago a Fisterra e Muxía por etapas. Esta nova actividade comeza o vindeiro sábado, 30 de novembro, coa primeira etapa na que se vai percorrer o tramo de Santiago ata A Ponte Maceira de 17 quilómetros aproximadamente. As persoas que estean interesadas en participar poden inscribirse cubrindo este formulario ata o mércores, 27 de novembro, ás 14:00 horas. Haberá servizo de autobuses dende a praza do Concello, en Bertamiráns, ás 9:00 horas; e dende a Casa da Cultura do Milladoiro, ás 9:15 horas.

>Andaina Saudable: Camiño a Fisterra e Muxía

A Concellería de Deportes e Promoción da Saúde, retoma a programación de Andainas Saudables que está a percorrer o Camiño Real de Santiago a Fisterra e Muxía por etapas. Desta volta, será a quenda da cuarta etapa, que vai dende Lago a Dumbría. A andaina realizarase o vindeiro sábado 1 de marzo. Haberá servizo de autobuses dende a Casa da Cultura do Milladoiro, ás 9:00 horas; e dende a praza do Concello, en Bertamiráns, ás 9:15 horas.

>Andaina saudable: segunda etapa do camiño a Fisterra e Muxía

A Concellaría de Deportes e Promoción da Saúde, dentro do programa de Andainas Saudables, organiza para o vindeiro 21 de decembro un novo percorrido enmarcado na actividade do Camiño Real de Santiago a Fisterra e Muxía. Desta volta, percorrerase a segunda etapa, de 17 quilómetros aproximadamente, e que vai dende Ponte Maceira a Vilaserío. Hai 50 prazas dispoñibles para participar, as persoas interesadas poden inscribirse cubrindo o correspondente formulario ata o vindeiro mércores 18 de decembro ás 14.00 horas. Terán prioridade as persoas empadroadas en Ames. Volverá a habilitarse servizo de autobuses desde os dous núcleos urbanos do municipio; ás 9:00 horas desde a Casa da Cultura de Milladoiro e ás 9:15 desde a Casa do Concello de Bertamiráns.

>Andaina: oitava etapa da ruta xacobea desde o Barbanza

A Concellaría de Deportes e Promoción da Saúde, dentro do programa municipal de Andainas Saudables, organiza un percorrido pola oitava etapa do Camiño de Santiago dende o Barbanza, “A orixe”. A ruta realizarase o sábado 28 de setembro. Os participantes camiñarán arredor de 15 quilómetros, partindo desde  o Lugar de Tallós, en Dodro, e chegando ata A Picaraña. Os interesados en participar poden inscribirse cubrindo este formulario ata o xoves 26 de setembro. Haberá servizo de autobuses con saída dende a praza do Concello, en Bertamiráns, ás 9:00 horas; e dende a Casa da Cultura do Milladoiro ás 9:15 horas.

>Andaina: sétima etapa da ruta xacobea desde o Barbanza

A Concellaría de Deportes e Promoción da Saúde, dentro do programa municipal de Andainas Saudables, organiza un percorrido pola sétima etapa do Camiño de Santiago dende o Barbanza, “A orixe”. A ruta realizarase o sábado 15 de xuño. Os participantes camiñarán arredor de 15 quilómetros, partindo desde a igrexa de Santa María de Leiro, en Rianxo, e chegando ata o Lugar de Tallós, en Dodro. Os interesados en participar poden inscribirse cubrindo este formulario ata o mércores, día 12. Haberá servizo de autobuses con saída dende a praza do Concello, en Bertamiráns, ás 9:00 horas; e dende a Casa da Cultura do Milladoiro ás 9:15 horas.

>Campionato provincial de patinaxe

O sábado 1 de maio e o domingo 2, celebrarase, no pavillón de Bertamiráns, o Campionato provincial de categoría nacional cadete, xuvenil, júnior e sénior de patinaxe artística libre individual. Nesta cita participarán as mellores patinadoras e patinadores da provincial da Coruña. O Club de patinaxe Sarela estará representado por Jorge Sanmartín (cadete), Inés Peña (cadete) e María Peña (júnior), pero a representación amesán é máis extensa con patinadores e patinadoras do Club de patinaxe Omega, do Milladoiro, e cunha nena de Ames que pertence ao Club Ágora Boqueixón. Non estará permitida a asistencia de público a este evento deportivo debido ás restricións pola Covid-19.

>Campionato provincial de técnica e freestyle de Taekwondo

O club de Taekwondo TKDenodo organiza, coa colaboración do Concello de Ames e por delegación da Federación Galega de Taekwondo e a Secretaría Xeral para o Deporte da Xunta de Galicia, o campionato provincial en idade escolar das modalidades técnica e freestyle de Taekwondo. O torneo terá lugar o sábado, 13 de abril, no polideportivo do Milladoiro a partir das 9.00 horas. Participan rapaces e rapazas de 6 a 16 anos do programa Xogade. Esta proba clasificará para o campionato galego, que terá lugar o vindeiro sábado, 27 de abril, en Vigo.

>Circuíto OEA da Liga Galaica de 3 horas de Resistencia BTT

Segunda proba da Liga Galaica de 3 horas de Resistencia BTT. O Circuíto OEA de Bertamiráns será un circuíto semiurbano, de aproximadamente 6 quilómetros e 90 metros de desnivel, cuxo epicentro se situará no paseo do Rego de Ameneiral. A inscrición pode realizarse premendo neste enlace.