Ames é un dos concellos participantes na campaña de esquí organizada pola Deputación da Coruña entre o 14 de xaneiro e o 21 de febreiro. A rapazada participante, nada entre o 2006 e o 2009, gozará de catro días na estación de inverno asturiana Valgrande – Pajares, onde realizarán cursos de esquí e outras actividades complementarias. As inscricións están abertas para as trece prazas que ten asignadas Ames, ata o 14 de decembro, entregando esta solicitude nos rexistros municipais.

Un ano máis Ames é un dos concellos participantes na campaña de esquí organizada pola Deputación da Coruña entre o 10 de xaneiro e o 17 de febreiro de 2025. O programa está dirixido a rapaces e rapazas que teñen entre 11 e 15 anos cumpridos a 31 de decembro de 2024. Ao Concello de Ames correspóndenlle 15 prazas na sexta quenda que será do 14 ao 17 de febreiro de 2025. Ademais, dos cursos de esquí, os participantes poderán realizar actividades complementarias ou alternativas no caso de que non se poida esquiar. O prazo de inscrición está aberto dende o 8 de novembro ata o 2 de decembro. Para iso hai que entregar o impreso de solicitude nos rexistros municipais.

Este luns, 12 de xuño, abre o prazo de inscrición para a primeira quenda dos cursos de natación organizados polo departamento de Deportes do Concello de Ames para este verán, que se desenvolverán ao longo do mes de xullo. En agosto realizarase unha nova quenda desta actividade, e volverase abrir un novo prazo para que a veciñanza que o desexe poida anotarse, do 10 ao 21 de xullo. Estas actividades terán lugar de luns a venres, nas piscinas descubertas municipais de Bertamiráns e do Milladoiro. A iniciativa conta coa colaboración da Deputación da Coruña. As inscricións deben ser tramitadas a través da plataforma Cronos. 

O Concello de Ames e a Federación Galega de Atletismo organizan a IV edición do “Trail e Andaina Ribeiras do Tambre”, que se desenvolverá o vindeiro domingo 2 de abril. A saída do trail terá lugar ás 10:00 horas dende Ponte Maceira. Cinco minutos máis tarde, e desde o mesmo lugar, sairá a andaina. Para participar é necesario inscribirse a través de emesports.es. O prazo remata o 29 de marzo ás 23:59 horas. A proba enmárcase dentro da especialidade atlética do trail-running e estará baixo o control técnico do Comité Galego de Xuíces da Federación Galega de Atletismo. Poderá participar calquera deportista, estea ou non federado. Os inscritos e inscritas correrán cunha licenza de día de trail-running, que incluirá un seguro de accidentes deportivos e de responsabilidade civil.