Solapas principales

Departamento de Normalización Lingüística

    • Dirección: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención al público: de 9:00 - 14:00h.
    • Responsable municipal: Concejalía de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Objetivo principal del servicio:
      • Incrementar el uso y el prestigio de la lengua gallega en todos los ámbitos municipales.

El Servicio de Normalización Lingüística del Ayuntamiento de Ames recibe una subvención anual para gastos de personal de la Diputación de A Coruña y otra de la Xunta de Galicia.

Otros Datos: 
  • Funciones:
    • Asesorar y colaborar con la planificación lingüística del Ayuntamiento de Ames
    • Promover actuaciones para aumentar el uso del gallego en el ámbito municipal, de acuerdo con la normativa vigente, y entre el vecindario
    • Contribuir a la formación lingüística del vecindario y del personal municipal
    • Mejorar la calidad lingüística y comunicativa del Ayuntamiento de Ames
    • Informar y asesorar sobre derechos lingüísticos del vecindario y deberes lingüísticos municipales
    • Asesorar sobre cuestiones lingüísticas al vecindario y al personal municipal

Noticias del departamento

A comunidade educativa amesá reafírmase na activación do Modo Galego cantando e bailando

Durante 4 semanas máis de 2.500 nenos e nenas do concello de Ames comprometéronse a falar galego o máximo posible con todo o mundo e en todos os contextos da vida cotiá, dentro e fóra das aulas, xogando e conversando coas amizades, nas tendas, nas actividades extraescolares, na casa. Participaron a través do programa Modo galego, Actívao!, impulsado polo Concello de Ames e a Real Academia Galega. A través de 16 retos o alumnado participou en diferentes actividades nas que se fomentou o uso da lingua galega. A terceira edición deste proxecto de investigación e acción implicou dunha maneira lúdica os nenos e nenas dos centros públicos de infantil e primaria amesáns e, como novidade, este ano estendeuse ao alumnado de 1º e 2º da ESO dos institutos do Milladoiro e Bertamiráns.

A Concellaría de Normalización Lingüística desenvolveu o programa Fálame cos centros educativos de infantil e primaria

O Departamento de Normalización Lingüística do Concello de Ames en colaboración cos equipos de normalización e dinamización da lingua galega dos centros educativos desenvolveu durante os meses de maio e xuño o programa Fálame co obxectivo central de achegar referentes lúdicos que favorezan a socialización en lingua galega da xente máis nova. Esta iniciativa estivo dirixida ao alumnado e ao profesorado dos centros educativos de infantil e primaria do Concello de Ames e nela participaron mais de 1800 alumnas e alumnos do CEIP Agro do Muíño, EEI O Milladoiro, CEP de Ventín, CEIP A Maía, CEIP de Barouta e as dúas escolas unitarias de Covas e Ortoño.

A Corporación municipal aproba por unanimidade os 18 proxectos que se sufragarán con cargo ao POS+ 2024

O Pleno aprobou por unanimidade este mércores, 7 de febreiro, a participación do Concello de Ames no Plan provincial de cooperación ás obras e servizos de competencia municipal (Plan único de concello) “POS+ 2024” da Deputación provincial da Coruña. O Concello de Ames disporá de 979.500,37 euros (551.672,62€ da achega provincial 2024 e 427.827,75 euros da achega de 2023) para executar novos investimentos nas parroquias de Biduído, Ames, Ameixenda e nos núcleos urbanos do Milladoiro e Bertamiráns. No Plan complementario de 2024 recóllese unha partida de 2.711.703.05 euros para investimentos financeiramente sostibles nas parroquias de Ortoño, Ames, Bugallido, Trasmonte, Covas, Piñeiro e Biduído. Ademais dentro do POS+ Adicional 1/2024 contémplanse 157.620,75 euros para o financiamento de gastos sociais extraordinarios. Podes ver a gravación do pleno na canle de Youtube do Concello de Ames.

A Corporación municipal de Ames comprométese co uso da lingua galega

O proxecto “Modo galego, actívao!”, unha experiencia de inmersión lingüística na que participaron preto de 2.000 alumnos amesáns dos centros educativos de infantil e primaria, esténdese ata a Corporación municipal. As concelleiras e concelleiros de todas as agrupacións comprometéronse no pasado pleno a empregar o galego polo menos durante tres semanas en todos os ámbitos da vida.

A Coruña e Santiago acollen en xuño dous encontros ao abeiro do proxecto Youtubeir@s

Ao longo do mes de xuño, o equipo do proxecto Youtubeir@s organiza dous grandes encontros de intercambio entre persoas xeradoras de contidos dixitais no Youtube, co obxectivo de motivar a súa vinculación e de crear redes conxuntas de traballo. O primeiro deles terá lugar o 8 de xuño na Coruña e o segundo será en Santiago o venres 28. Youtubeir@s está organizado polos servizos de normalización lingüística de trece concellos galegos, as universidades de Santiago, A Coruña e Vigo, e a Deputación da Coruña co obxectivo de fomentar a creación de contidos na Rede na nosa lingua. Esta iniciativa chega este ano á súa terceira edición baixo o lema Conéctate á comunidade e multiplícate, co que busca non só aumentar o número e a calidade de vídeos e persoas creadoras en galego, senón tamén fortalecer as conexións e as interrelacións da comunidade youtubeira.

A entrada ao concerto de Uxía Lambona e a Banda Molona será libre e gratuíta

O concerto “Un soño é...” de Uxía Lambona e a Banda Molona, que pecha a programación Apego deste semestre e serve tamén de clausura do programa Modo Galego, Actívao, realizarase en exterior, na praza de Chavián de Bertamiráns, este sábado 17 de xuño, ás 19.00 horas. Isto permite ampliar o aforo e que todas aquelas familias que queiran poidan asistir libremente. A entrada será libre e gratuíta. Dende o departamento de Normalización Lingüística indican que unhas 700 persoas solicitaron poder asistir a dito concerto, polo que se agarda que máis dun milleiro de persoas acudan a ver o espectáculo de Uxía Lambona e a Banda Molona. 

A experiencia de compromiso lingüístico na infancia desenvolvida en Ames constata o pulo que supón actuar de forma conxunta e dende as primeiras etapas educativas

É unha impresión repetida. Nas últimas semanas, escoitouse falar polas rúas de Ames máis galego entre a rapazada. Preto de 3.000 nenos e nenas de sete centros educativos que cursan o segundo ciclo de infantil e primaria participaron na experiencia de 21 días de compromiso lingüístico promovida pola Real Academia Galega e o Concello de Ames no marco do programa Modo galego, actívao!, que ao longo deste curso traballará distintos aspectos nos contextos de socialización infantil. O Seminario de Sociolingüística da RAG ten agora por diante outro labor fundamental, analizar en profundidade os resultados da proposta que consistiu en animar os cativos e cativas a se expresar en galego dentro e fóra das aulas, contando coa implicación do profesorado e o monitorado das actividades complementarias de xestión municipal, e apelando tamén á complicidade das familias. A avaliación farase con distintas ferramentas que sirvan para tirar conclusións útiles, para o Concello de Ames e para calquera outro que queira replicar o proxecto. Pero á espera dese diagnóstico científico, as primeiras impresións por todas as partes implicadas son moi positivas.

A experiencia de inmersión lingüística “Modo galego, actívao!” continúa nos centros educativos amesáns

O proxecto “Modo galego, actívao!”, unha experiencia de inmersión lingüística na que participan preto de 2.000 alumnos amesáns dos centros educativos de infantil e primaria, continúa coa posta en marcha do reto da inmersión lingüística, no que se propuxo aos nenos e nenas a empregar o galego polo menos durante tres semanas en todos os ámbitos da vida. Os principais obxectivos son a promoción e apoio do uso do galego na socialización da infancia, así como a asociación da lingua galega a actividades de lecer.

A final do Club de Debate 2023 será este sábado na Casa da Cultura de Bertamiráns

Este sábado, 3 de xuño, celebrarase na Casa da Cultura de Bertamiráns a final do Club de Debate 2023, no que participan grupos de distintos centros educativos de Galicia. Nesta última fase competirán seis equipos formados por rapaces e rapazas de 3º e 4º da ESO, 1º de Bacharelato e ciclos formativos, dos concellos de Dodro, Negreira, Santa Comba, Ferrol, e tamén Ames, que chega á final representado por “Xente que fala”, do IES do Milladoiro, e por “Ames a palabra” do IES de Ames. O tema de debate será “A mocidade renuncia ao galego?”. 

A Gala de Rosalía de Castro contará coa música de MJ Pérez e con lecturas, dramatizacións e videocreacións

O vindeiro venres, 28 de febreiro, a Casa da Cultura de Bertamiráns acollerá, a partir das 20:00 horas, unha homenaxe poética e musical a Rosalía de Castro. O acto central da conmemoración do Día de Rosalía, cuxa entrada será libre e gratuíta ata completar aforo, contará con lecturas, dramatizacións, videocreacións e coa actuación musical de MJ Pérez. No acto participarán o alumnado dos centros escolares de Ames e representantes do ámbito cultural e asociativo. As persoas asistentes recibirán un agasallo.

Eventos del departamento

> Apego: Obradoiro de arrolos con Mamá Cabra

O programa Apego amesán arrinca outubro cun obradoiro de arrolos co grupo de música infantil Mamá Cabra. Nesta actividade Gloria Mosquera e Diego Maceiras interpretarán e ensinarán cantos de berce cos que adormecer, aleitar, tranquilizar e gozar da música e da lingua nos primeiros días e meses de vida. O taller, dirixido a familias con crianzas de 0 a 3 anos, desenvolverase o xoves 6 de outubro ás 18:00 horas, no Pazo da Peregrina de Bertamiráns. Para participar, cómpre inscribirse do 28 de setembro ao 5 de outubro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das nenas e nenos.

> Apego: Visita do Apalpador

Dende o 9 ata o 16 de decembro está aberto o prazo para inscribirse na visita do Apalpador ao concello de Ames, acompañado dos contos e cantos do narrador Anxo Moure. O evento terá lugar no patio do Pazo da Peregrina de Bertamiráns, o venres 17 de decembro, cunha primeira sesión programada para as 17:00 horas. As persoas interesadas en asistir ao encontro poden anotarse enviando un correo ao enderezo electrónico normalizacion@concellodeames.gal, no que indiquen nome e apelidos, teléfono de contacto e idade das crianzas que as acompañen. A medida que se vaian completando as prazas, habilitaranse máis sesións para que todas as familias poidan participar.

> Apego: Visita do Apalpador

O Apalpador volve un ano máis a Ames cargado de contos e cantos, e cun agasallo máxico nacido na Serra do Courel para todas e cada unha das crianzas que o veñan ver. Tamén recollerá as cartas que as nenas e os nenos lle queiran deixar. A visita terá lugar o venres 16 de decembro ás 18:00 horas, no Pazo da Peregrina de Bertamiráns. Para participar, cómpre inscribirse do 7 ao 15 de decembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das nenas e nenos.

> Apego: “A Ramona pequena” con Pakolas

A programación do Apego de Ames continúa en outubro cunha nova actuación de Pakolas, que preestrea o seu novo disco cun concerto cheo de humor para aprender, cantar e gozar a ritmo roqueiro. A proposta, dirixida ao público familiar, terá lugar o venres 28 de outubro ás 18:00 horas, na Casa da Cultura de Bertamiráns. Para participar, cómpre inscribirse do 20 ao 27 de outubro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das nenas e nenos.

> Apego: “Foliada con Apego”

O Apego de Ames prepara unha nova edición da súa foliada, unha actividade chea de música para compartir, cantar, bailar, aprender cancións galegas e pasalo ben. Será o venres 20 de maio no Pazo da Peregrina de Bertamiráns, a partir das 18:00 horas. As inscricións para a actividade, de balde e dirixida ao público familiar, poderán realizarse do 12 ao 19 de maio, enviando un correo ao enderezo normalizacion@concellodeames.gal.

> Apego: “Historias con susto para durmir a gusto” con Vero Rilo e Sonsoles Penadique

O programa Apego de Ames arrinca novembro cunha proposta especial polo Samaín. Vero Rilo e Sonsoles Penadique conducirán unha sesión de narrativa oral para achegarnos ao conto tradicional con relatos, música, historias con amor e desgusto, sustos e só algo de medo. A proposta, dirixida a familias con crianzas a partir de 5 anos, terá lugar o venres 4 de novembro ás 19:00 horas, no xardín do Pazo da Peregrina de Bertamiráns. Para participar, cómpre inscribirse do 25 de outubro ao 3 de novembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das nenas e nenos.

> Apego: “O poder da Superlingua” da Gramola Gominola

Continúa o programa Apego de Ames en setembro co espectáculo musical “O poder da Superlingua”, do grupo A Gramola Gominola. Trátase dunha proposta na que a lingua se converte nunha superheroína, coa que poder cantar, ler, bailar, investigar, xogar ou amar. Será o vindeiro venres 23 de setembro, ás 18:00 horas, na Casa da Cultura de Bertamiráns. Para asistir ao concerto, de balde e dirixido ao público familiar, cómpre inscribirse do 15 ao 22 de setembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das crianzas.

> Apego: “Orella pendella” de Migallas Teatro

A compañía Migallas Teatro pecha o setembro do programa Apego amesán con “Orella pendella”, un obradoiro para familias con música en directo no que aprender ditos infantís, xogos, contos, recitados e cancións de sempre para interactuar coas crianzas, revitalizar o uso da lingua, e estimular a súa capacidade cognitiva e comunicativa. A actividade, dirixida as familias con nenas e nenos de 0 a 6 anos, terá lugar o venres 30 de setembro na Casa da Cultura do Milladoiro, ás 18:00 horas. Para participar, cómpre inscribirse do 22 ao 29 de setembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das crianzas.

> Apego: “Quen canta Alí?” de Lydia Botana e Fabaloba

O Apego de Ames continúa en novembro con “Quen canta Alí”, de Lydia Botana “Bolboreta” e Fabaloba, unha proposta con contos e cancións apoiadas por ilustracións nun “Kamishibai” (“teatro de papel” en xaponés). A actividade, dirixida a familias con crianzas a partir de 3 anos, terá lugar o venres 18 de novembro ás 18:00 horas, na Casa da Cultura de Bertamiráns. Para participar, cómpre inscribirse do 10 ao 17 de novembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das nenas e nenos.

> Apego: “Un bico para Alí” de Lydia Botana e Fabaloba

Lydia Botana “Bolboreta” e Fabaloba volven ao Apego de Ames con “Un bico para Alí”, unha sesión de contos e cancións que nos achegarán á historia de Antón, un neno con diversidade funcional por mor dun vento triste que lle levou a fala. Estrañada polo comportamento do seu novo compañeiro, Alí intentará axudalo a comunicarse botando man de contos, xogos, cancións e outros moitos recursos. A actividade, dirixida a familias con crianzas a partir de 3 anos, terá lugar o xoves 24 de novembro ás 18:00 horas, na Casa da Cultura do Milladoiro. Para participar, cómpre inscribirse do 16 ao 23 de novembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das nenas e nenos.