- Dirección: Praza do Concello, nº 2, Bertamiráns.
- Teléfono: 981 88 30 02
- Horario de atención al público:
- De lunes a viernes, en horario de 9:00 a 14:00 horas.
- Responsable municipal: Concejalía de Promoción Económica
Otros Datos:
Solapas principales
Departamento de Promoción Económica y Empleo
Servicios y programas
Noticias del departamento
O Concello de Ames abre o prazo para inscribirse no “AMES AV LAB”, un laboratorio pioneiro de aceleración de proxectos audiovisuais destinado a potenciar a produción audiovisual no municipio. A iniciativa, cofinanciada pola Deputación provincial da Coruña, representa un paso significativo cara adiante no desenvolvemento do sector audiovisual local. O período de presentación de solicitudes estará aberto ata o 12 de abril. Premendo nesta ligazón podes obter as bases e mailo impreso de solicitude.
Abre o prazo para que os vendedores ambulantes voten pola ubicación do mercado de rúa de Bertamiráns
O Concello de Ames, a través da Concellaría de Promoción Económica, ten aberto un proceso para reubicar o mercado de rúa de Bertamiráns na antiga zona onde se desenvolvía de forma habitual ata o pasado mes de marzo antes da declaración do Estado de Alarma pola Covid-19. Ata o 21 de outubro, os vendedores/as ambulantes puideron facer propostas en torno o emprazamento no que queren que se sitúe o mercado de rúa que se desenvolve os sábados pola tarde en Bertamiráns. Agora, dende hoxe e ata este mércores 28 de outubro poderán votar por algunhas das tres ubicacións propostas.
O Concello de Ames vén de presentar hoxe no Milladoiro o programa de Autocine que se vai a desenvolver o sábado 26 e mailo domingo 27 de decembro no aparcadoiro do SuperCor (rúa Agro do Medio), no Milladoiro. Esta iniciativa está incluída na programación “Un Nadal diferente”. Para poder acudir a ver algún dos seis filmes que se van proxectar é preciso reserva entrada a través desta páxina web. A entrada é gratuíta, pero no momento da reserva, haberá que axuntarun tícket de compra (en formato jpg ou pdf) dalgún establecemento de Ames, por un importe mínimo de 10,00 euros.
O Concello de Ames, a través da Concellaría de Promoción Económica, colabora coa organización Acción contra a Fame, na organización do evento Emprende Innova Comparte en Galicia, que se celebrará o vindeiro xoves, 10 de outubro, na Cidade da Cultura, en Santiago de Compostela. Haberá talleres participativos, networking e un concurso final onde se poderá obter premios valorados en 2.800 euros que che axudarán a posicionar a túa futura empresa. Para obter máis información e inscribirse hai que acceder á páxina web www.emprendeinnovacomparte.org/galicia
Dende a Concellaría de Promoción Económica informan de que por mor das predicións meteorolóxicas que dan choiva para o luns 5 e martes 6 de setembro, vanse adiar as xornadas de “Volta ao cole co comercio” para o venres 9 de setembro no Milladoiro e o martes 13 en Bertamiráns. Trátase dunha campaña para dinamizar o comercio e a hostalaría local no comezo do curso lectivo. A iniciativa ofrecerá actividades ás nenas e nenos de 3 a 11 anos, das 17:00 ás 19:00 horas, e á mocidade dos 12 aos 18, das 19:00 ás 21:00 horas. Haberá diferentes actividade lúdicas e sortearanse arredor de 160 premios valorados en máis de 2.000 euros. É unha iniciativa posta en marcha pola Concellaría de Promoción Económica, en colaboración coa Xuntanza de Empresarios de Ames (XEA).
Estaba previsto que este sábado día 7 de novembro, os postos do mercado de rúa de Bertamiráns volvesen a súa antiga ubicación nas rúas Ameneiral e Entreríos e ocupasen tamén a praza do Concello para poder cumprir as medidas de distancia e seguridade que dita o regulamento da Xunta na loita contra a pandemia da COVID19. Durante toda esta semana, a través da concellaría de Promoción Económica, procedeuse ao repintado e acondicionamento dos espazos para adaptalos a nova normativa. Porén, está pendente ultimar coa Policía Local e Protección Civil o establecemento dalgúns criterios para o bo desenvolvemento de esta actividade comercial, polo que este sábado, día 7 de novembro, o mercado de rúa desenvolverase aínda na rúa do Sar, espazo no que está instalado desde o mes de xuño. Prevese que o día 14 estea todo preparado para que o mercado poida instalarse de novo no centro de Bertamiráns.
Por mor das medidas que se veñen aplicando para facer fronte á crise sanitaria da Covid19, a concellaría de Promoción Económica do Concello de Ames adía por segunda vez o inicio da campaña de tarxetas bono Merc@mes, de xeito que, no canto de comezar o día 19 de febreiro como estaba previsto, comezará o 1 de marzo e alongarase até o 1 de maio de 2021. O acordo foi ratificado pola Xunta e Goberno Local do 18 de febreiro de 2021. Calquera persoa, residente ou non, no concello de Ames, pode adquirir os bonos que se poñerán a venda a partir do mesmo día 1 de marzo en Bertamiráns e no Milladoiro, tan só presentando o DNI que o acredite como maior de 18 anos. Asemade, tamén se poderán mercar estes bonos nas carpas informativas que o Concello ten previsto instalar os días 5 de marzo, na rúa Travesa do Milladoiro e o día 6, na praza da Maía de Bertamiráns. 171 establecementos adheríronse á esta campaña coa que se pretende valorizar e impulsar as compras no comercio local. A relación dos establecementos adheridos será publicada na páxina web municipal e na páxina web da entidade colaboradora, XEA.
Adriana Vigo, María Iglesias, Montse Angueira e José Rey gañan a segunda edición do “Canta con Ames”
O parque do Ameneiral, en Bertamiráns, acolleu este pasado sábado, 27 de agosto, a fase final da segunda edición do concurso “Canta con Ames”. As/os 12 finalistas interpretaron dous temas completos de distinto estilo musical. Trala actuación das/os finalistas o xurado decidiu que as/os gañadoras/es da segunda edición do “Canta con Ames” son Adriana Vigo, na categoría infantil; María Iglesias, na categoría xuvenil; Montse Angueira, na categoría sénior; e José Rey, na categoría súper sénior. As/os catro gañadoras/es actuarán como abreconcertos da orquestra Panorama o 18 de setembro no Milladoiro. O alcalde, Blas García, e maila concelleira de Promoción Económica, destacaron a boa afluencia de público que tivo a final e tamén o éxito desta segunda edición do certame.
Na Xunta de Goberno Local celebrada o pasado xoves, 22 de decembro de 2022 adxudicouse o contrato de servizo para o desenvolvemento dunha plataforma web e móbil que permita promocionar o comercio local do concello de Ames que estará cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020.
O programa “AmesON” comeza o mes de agosto co concerto de Son de Tres. O trío será o encargado de poñerlle música e ritmos latinos á noite amesá. O concerto celebrarase o domingo 1 de agosto na praza da Madalena, no Milladoiro, ás 20.00 horas.
- ‹ anterior
- 9 de 48
- siguiente ›
Trámites del departamento
Eventos del departamento
O obradoiro de galletas para adultos celebrarase no local Dos Pasos, en Bertamiráns, de 17:00 a 19:00 horas. Para asistir a estas actividades, débese inscribirse previamente cubrindo este impreso para que os adultos fagan a inscrición. Tamén se pode solicitar enviando un correo electrónico a promocioneconomica@concellodeames.gal.
Entre o 16 e o 22 de setembro, os diferentes espazos de traballo que integran a Rede Provincial de Coworking da Deputación da Coruña, acollerán o evento Rede Coworking Fest, unha semana dedicada a promover a innovación, a colaboración e a cultura emprendedora a través dunha ampla variedade de actividades culturais e formativas. No espazo colaborativo A Proa, situado no parque empresarial do Milladoiro, vanse organizar dúas actividades: un encontro de emprendemento feminino o mércores 18 de setembro; e un obradoiro de mentalidade e vendas o 19 de setembro. Preme nesta ligazón para consultar a programación completa e inscríbete nas actividades.
En Bertamiráns está destinado a un público adulto, e desenvolverse pola mañá na carpa da Praza de Chavián. Mentres que no Milladoiro está destinado a un público infantil de 5 a 12 anos e desenvolverase pola tarde na carpa da Praza de Manuel Murguía.
O obradoiro, desenvolverase na carpa da Praza de Chavián de Bertamiráns pola mañá. Este está destinado a un público infantil, de 5 a 14 anos.
Mentres que pola tarde, o obradoiro desenvolverase na carpa da Praza de Manuel Murguía do Milladoiro, e está destinado a un público adulto.
O obradoiro, destinado a nenos e nenas de entre 5 a 14 anos, desenvolverase na carpa da Praza de Manuel Murguía no Milladoiro. As prazas son limitadas, polo que é necesario inscribirse enviando un correo a promocioneconomica@concellodeames.gal.
O obradoiro, destinado a nenos e nenas de entre 5 a 14 anos, desenvolverase na carpa da Praza de Chavián en Bertamiráns. As prazas son limitadas polo que é necesario inscribirse enviando un correo a promocioneconomica@concellodeames.gal, dispoñible ata o 18 de decembro.
O obradoiro de “Menú Noite Boa” celebrararase no local Retumban Risas, no Milladoiro, de 10:00 a 12:00 horas. Para asistir a estas actividades, débese inscribirse previamente cubrindo este impreso para que os adultos fagan a inscrición. Tamén se pode solicitar enviando un correo electrónico a promocioneconomica@concellodeames.gal.
O vindeiro 5 de decembro o espazo colaborativo A Proa, situado no Milladoiro, acollerá un seminario sobre o programa ICEX Next, impulsado por LEILOIO International, para favorecer a expansión internacional das empresas do Concello de Ames. O consultor homologado polo Instituto de Comercio Exterior de España (ICEX) no 2018 e empregado de LEILOIO, Luis Pombo Pereira, será o encargado de presentar o programa e de explicar como poden adherirse a el as empresas amesás. O obradoiro impartirase de 9:30 a 11:00 horas.
Para pechar o programa “AmesON” ,co que a Concellaría de Promoción Económica xunto coa de Cultura, xuntan forzas este verán para dinamizar a cultura e a economía en Ames, actuará a París de Noia no Milladoiro. Podése ver o cartel ca programación nesta ligazón.
Varias personaxes de debuxos infantís como Mickey Mouse e Minnie Mouse; o pato Donald; os Minions; Ladybug; Elsa, Anna e Olaf da película Frozen; unha representación da Patrulla Canina; e Bob Esponja; percorrerán as rúas do Milladoiro para animar a nenos/as e adultos durante este Nadal.
- ‹ anterior
- 9 de 11
- siguiente ›