Solapas principales

Departamento de Turismo

    • Dirección: Casa do Concello. Praza do Concello, número 2, Bertamiráns.
    • Teléfono: 981 88 30 02, extensión 9966.
    • Horario de atención al público: 09:00 a 14:00h.
    • Responsable municipal:
    • Responsable técnico:
      • Sonia Moure Oliveira, técnica de turismo.
Otros Datos: 

Noticias del departamento

"Altamira Brilla" adíase até o 24 de outubro por razóns climatolóxicas

"Altamira Brilla", a primeira festa da historia da comarca da Maía, adíase até o vindeiro 24 de outubro a causa da previsión de chuvias. A convocatoria continuará co mesmo programa e as entradas xa mercadas serán válidas para a nova xornada.

"Altamira Brilla" inaugura o día 19 de setembro a primeira festa histórica da comarca da Maía

Durante todo o día 19 o programa "Altamira Brilla"  ofrecerá a posibilidade de participar nun abano de actos que inauguran a primeira festa histórica da comarca da Maía. A Deputación da Coruña, a través da súa área de Patrimonio, xunto cos Concellos de Ames e Brión promoven esta conmemoración que recupera a historia da Batalla de Altamira e pon en valor as Torres como ben monumental que foi escenario do acontecemento.

110 persoas participaron na ruta rosaliana “As Pegadas de Rosalía”

Os concellos de Ames, Brión, Dodro e Padrón organizaron este pasado sábado, 14 de setembro, unha saída pola ruta rosaliana que transcorreu polos lugares máis emblemáticos da vida de Rosalía de Castro e o seu legado literario. A ruta comezou no Pazo da Peregrina, en Bertamiráns, e rematou na igrexa de Santa María de Iría Flavia cun concerto de Manoele de Felisa, que interpretou varios poemas de Rosalía musicados por el. Esta ruta, a través da cal se pon en valor a vida e obra de Rosalía, tivo unha participación de 110 persoas. Durante o percorrido visitáronse os lugares pertencentes ao territorio destes concellos que marcaron a vida e a obra da nosa autora máis universal. Premendo nesta ligazón podes acceder a unha galería de fotos de dita ruta.

A Asociación de Concellos do Camiño de Fisterra - Muxía organiza un curso sobre economía circular no turismo os días 8 e 9 de novembro en Corcubión

O Concello de Ames, a través da área de Turismo, informa sobre o curso de economía circular no turismo, que organiza a Asociación de Concellos do Camiño de Fisterra – Muxía, da que forma parte Ames xa que polo termo municipal amesá discorre parte do trazado dese Camiño. O curso realizarase os días 8 e 9 de novembro no salón de plenos da Casa do Concello de Corcubión. O obxectivo é mellorar a calidade do servizo e fomentar a sustentabilidade. O curso busca difundir ferramentas para que os profesionais do sector turístico poidan ofrecer unha atención de calidade no Camiño Fisterra – Muxía, aumentando a calidade e sustentabilidade do sector. O curso está pensado para un mínimo de 15 persoas e un máximo de 30. Premendo nesta ligazón podes inscribirte no curso.

A Asociación de Concellos do Camiño de Fisterra e Muxía comeza o traballo para a oficialización da ruta

A Asociación de Concellos do Camiño de Fisterra e Muxía celebrou o pasado venres, 22 de setembro, a súa primeira xuntanza tras os cambios acontecidos nos seus membros con motivo das eleccións municipais de maio de 2023. Por parte do Concello de Ames asistiron o alcalde e concelleiro de Turismo, Blas García, e maila técnica do departamento de Turismo, Sonia Moure. Os/as asistentes, por unanimidade, acordaron solicitar á presidencia da Xunta de Galicia unha reunión para tratar a oficialización do Camiño dende Santiago a Fisterra e Muxía.

A Asociación de Concellos do Camiño Fisterra-Muxía organiza un foro no que se vai presentar a obra "Ata o Mar, A prolongación do Camiño de Santiago a Fisterra-Muxía"

O alcalde de Ames e responsable da área de Turismo, Blas García, asistiu hoxe pola mañá ao acto de sinatura dun convenio entre a Universidade da Coruña e maila Asociación de concellos do Camiño Fisterra-Muxía, da que forma parte o noso Concello. O acordo contempla o traballo conxunto para a realización de actividades de carácter científico e de promoción cultural e difusión, en forma de publicacións, presentacións, xornadas, congresos ou exposicións, relacionadas co Camiño de Fisterra e Muxía. Dentro de dito convenio inclúese a elaboración do libro "Ata o Mar, A prolongación do Camiño de Santiago a Fisterra-Muxía", que será presentado o próximo sábado, 2 de decembro, dentro do Foro de Internalización que está organizando dita asociación.

A Asociación Terras de Compostela, en colaboración co Concello de Ames, organizan un taller para os establecementos do sector turístico sobre a Covid-19

A Asociación Terras de Compostela, en colaboración do departamento de Turismo do Concello de Ames, organizan un taller para os establecementos do sector turístico sobre medidas hixiénico-sanitarias fronte á Covid-19. Será o próximo mércores, 10 de xuño, de 16.30 a 19.00 horas. Para asistir a esta xornada gratuíta, é necesario inscribirse, xa que aforo é limitado. Emitirase un certificado acreditando a asistencia a dita formación.

A capela da Madalena iluminarase o 26 de decembro como conta atrás para o Xacobeo 2021

A capela da Madalena, monumento no Milladoiro polo que transcorre o Camiño Portugués, forma parte da nova iniciativa da Axencia de Turismo de Galicia “Acende o Xacobeo”. Con este proxecto, iluminaranse 91 monumentos do territorio nacional representativos das diferentes rutas do Camiño de Santiago. Por isto motivo, do 26 ao 28 de decembro, a capela da Madalena, mostrarase de cor azul, co logotipo do Xacobeo 2021 e a frecha amarela.

A Casa do Cruceiro acolleu a presentación dunha nova edición de ‘Outono Gastronómico en Turismo Rural’

A Casa do Cruceiro, situada no lugar de Raíces, pertencente á parroquia de Biduído, acolleu esta mañá a presentación da décimo oitava edición do ‘Outono Gastronómico en Turismo Rural’. A dita presentación foi convidado o alcalde de Ames, Blas García, que asistiu xunto ao director de Turismo de Galicia, Xosé Merelles, á delegada da Xunta de Galicia na provincia da Coruña, Belén Docampo, ao presidente de FEGATUR, Francisco Xabier Almuíña, e ao vicepresidente do Clúster do Turismo de Galicia, Jesús Picallo. O ‘Outono Gastronómico en Turismo Rural’ desenvolverase dende o 13 de setembro ata o 15 de decembro de 2024.  A Casa do Cruceiro é un dos 77 establecementos participantes este ano. Ofrécense desde menús especiais, ata paquetes con estadías e nalgunhas das casas e tamén haberá actividades como paseos a cabalo, descenso en canoa ou sendeirismo.

A Concellaría de Turismo colabora coa parroquia de Ortoño nunha peregrinación pola ruta “Ría de Muros-Noia”

“Alcancemos novas metas!” é o lema da peregrinación pola ruta do Camiño de Santiago “Ría de Muros- Noia” que organiza a parroquia de Ortoño coa colaboración da Concellaría de Turismo de Ames. O evento desenvolverase en seis etapas a partir do 22 de xaneiro de 2022. As persoas interesadas poden obter máis información na web da parroquia. Até o momento hai 120 persoas anotadas.

Eventos del departamento

> Centenario do Seminario de Estudos Galegos: andaina e xantar

O vindeiro xoves, 12 de outubro, vaise realizar unha andaina e xantar popular que se enmarca dentro da programación do centenario do Seminario de Estudos Galegos. A andaina discorrerá entre Compostela e Ortoño, emulando a andaina fundacional que realizaron algúns dos membros do Seminario de Estudos Galegos hai 100 anos.

> Concerto de campás e charlas sobre a súa historia e fabricación en Ortoño

O adro de San Xoán de Ortoño acollerá este venres, 30 de decembro, ás 17:00 horas, un concerto de campás ofrecido pola Asociación Cultural Campaneiros de Galicia, “As campás, o son do Camiño”. Así mesmo, o investigador Estanislao Fernández de la Cigoña ofrecerá unha charla sobre a historia das campás, mentres que José Enrique López Ocampo, fundidor de campás, explicará o seu proceso de fabricación. 

> Exposición de Ana Rosa Lista "Fiando Recordos"

A Casa Escola Obradoiro Ana Rosa e o Concello de Ames inauguran este venres 8 de abril a exposición de encaixe “Fiando Recordos”, un conxunto de pezas de artesanía e pintura nas que se plasma parte da obra dun dos grandes deseñadores e artistas galegos do século XX, Luis Seoane. A inauguración terá lugar no Pazo da Peregrina, en Bertamiráns, ás 18:30 horas, mentres que a exposición poderá visitarse do 8 ao 10 de abril, de 11:00 a 20:30 horas. Ademais, a palilleira tamén impartirá dúas charlas sobre a historia do encaixe na fin de semana, ás 19:00 horas.

> Inauguración da exposición "O herbario de Rosalía"

O día 16 de marzo inaugurarase a última iniciativa da programación organizada polo Concello de Ames con motivo da conmemoración do Día de Rosalía, a exposición "O herbario de Rosalía". Trátase dunha mostra na que se recolectarán diversas plantas e flores plasmadas na obra da escritora, e que estará aberta aos visitantes ata o domingo 2 de abril, no Pazo da Peregrina (Bertamiráns). Ás 13:45 horas terá lugar a plantación da camelia híbrida doada pola Fundación Rosalía, e ás 14:00 horas procederase á inauguración do espazo. 

> Ruta "As pegadas de Rosalía"

Os concellos de Ames, Brión, Dodro e Padrón programan para o vindeiro sábado, 29 de abril, unha saída pola ruta rosaliana que transcorre polos lugares máis emblemáticos da vida de Rosalía de Castro e o seu legado literario. Trátase dun itinerario que segue o trazado orixinal proposto por Avelino Abuín de Tembra na década dos noventa, actualizado polo presidente da Fundación Rosalía de Castro, Anxo Angueira, no ano 2017, e presentado na feira de turismo Fitur en colaboración con esta entidade, convertido nun proxecto turístico intermunicipal denominado “As Pegadas de Rosalía”, en xaneiro do ano 2018. As inscricións son gratuítas e deberán realizarse a través desta ligazón  ata o día 25 de abril. As prazas serán adxudicadas por orde de rexistro e deberase seleccionar o punto de saída e regreso do autocar.

>"Altamira Brilla": presentación do proxecto

A conmemoración da histórica Baralla de Altamira dará comezo o venres 10 de xuño coa presentación do proxecto e posta en valor das Torres de Altamira e as investigacións e os avances nos traballos para a elaboración do plan director das Torres de Altamira nunha sesión na que intervirá o arquitecto Mario Crecente. Será no Pazo da Peregrina, en Bertamiráns ás 20:00 horas.

>"Altamira Brilla": ruta histórica, representación e concertos

A festa histórica do val da Maía, que organizan os Concellos de Ames e Brión, xunto coa Deputación da Coruña, para conmemorar a histórica Batalla de Altamira, chega esta semana á súa segunda edición. Na xornada do sábado os participantes poderán gozar dunha ruta histórica, da representación teatral a cargo do grupo Os Quinquilláns e dos concertos de Caldo e de Grande Amore. Para participar nestas actividades é necesaria inscrición previa.

>Andaina “Rosalías da Vida” en conmemoración do 8M

Os concellos da Ruta Rosaliana (Ames, Brión, Dodro, Padrón e Santiago de Compostela) organizan para o Día Internacional da Muller a andaina “Rosalías da Vida” que terá unha distancia de 20 quilómetros. A saída será dende Lestrobe, en Dodro, ás 9.00 horas, e rematará as 18.00 horas coa chegada ao acto institucional que se realizará na praza do Obradoiro, en Santiago de Compostela. Os/as participantes de Ames uniranse á andaina en Padrón, na praza de Rodríguez Cobián, ás 9.30 horas. Haberá dous puntos de avituallamento, en Padrón e no Milladoiro. O obxectivo é conmemorar o 8M tendo presente a Rosalía de Castro, unha muller que marcou un antes e un despois na nosa historia.

>Café con Verso e Caldo de Gloria

 O xoves 22 de febreiro desenvolverase unha nova edición das iniciativas “Caldo de Gloria” e “Café con verso” nos locais de hostalaría de Ames. Deste xeito, repartiranse nos locais de hostalaría unhas tarxetas con versos rosalianos para difundir a súa obra, pensamento e figura. A iniciativa Café con verso xurdiu no ano 2017 froito da colaboración entre o Concello de Ames e mailo poeta amesán Carlos Negro. Así mesmo, a hostalaría tamén servirá o caldo que a escritora describe no seu poema “Miña casiña, meu lar” de Follas Novas.

>Exposición: "A Casa de Galicia. 50 anos da Casa de Rosalía"

Ata o 2 de xuño, a Praza da Maía, en Bertamiráns, acolle a exposición "A Casa de Galicia. 50 anos da Casa de Rosalía", na que se repasa a historia deste museo e se lembra o fito que supuxo en pleno franquismo conseguir mercar, restaurar e musealizar esta casa grazas á colaboración de milleiros de persoas. A mostra está comisariada por Pepe Barro, tamén autor da museoloxía da Casa-Museo.

Esta exposición fai un repaso pola historia da Casa-Museo, que se abriu ao público o 15 de xullo de 1971, en pleno franquismo grazas, á implicación de milleiros de persoas e entidades de todo o país e da emigración. O Patronato Rosalía, creado en 1947, converteuse en refuxio do galeguismo, con actos como a Misa de Rosalía en Bonaval, que se constituíron como auténticos encontros de afirmación galeguista.