A Policía Local de Ames traballa no seguimento e control do cumprimento das medidas derivadas do nivel de restricións en que nos atopamos. Ao longo da semana pasada a Policía Local impuxo 25 propostas de sancións. Deste total, 10 foron en relación á prevención do botellón e 14 polas reunións de non convivintes entre a 1 e as 6 da mañá.

A Policía Local de Ames propuxo 59 sancións por incumprir as medidas derivadas do estado de alarma durante a pasada fin de semana. Deste total, 22 foron as sancións por incumprir o peche perimetral establecido, 25 sancións por non levar máscara, 7 sancións por incumprimento do toque de queda e 5 por reunións na vía pública de grupos de máis de 4 persoas. Ao mesmo tempo, intensificará as labores de vixilancia coa incorporación de patrullas de paisano como medida adicional para realizar un control máis efectivo do cumprimento das medidas establecidas.

O Concello de Ames celebrou unha reunión de coordinación de seguridade e seguimento das medidas de prevención fronte á COVID-19. A dita xuntanza asistiron o alcalde, José Miñones, o concelleiro de Administración Xeral, Victor Fernández, así como responsables da Policía Local e da Garda Civil. O obxectivo da mesma foi o de analizar a situación do concello respecto ao seguimento das medidas de seguridade e prevención fronte á COVID-19, así como manter a cooperación e coordinación operativa da Policía Local e Garda Civil no termo municipal.

O Goberno municipal lembra que é obrigatorio o uso da máscara para as persoas de seis  ou  máis anos en todo momento, tanto cando se  estea  na vía pública e en espazos  ao aire libre, como  cando se  estea en  espazos pechados de uso público ou que se  encontren  abertos  ao público. O uso é obrigatorio aínda que se poida garantir a distancia de seguridade  interpersoal de 1,5 metros. A Policía Local de Ames sancionou a 42 persoas por non cumprir esta normativa.