Debido ás condicións meteorolóxicas previstas para esta fin de semana, queda adiada a programación do Concello de Ames con motivo do Día Internacional da Muller este 8 de marzo. Deste xeito, a lectura do manifesto finalmente será o vindeiro luns, 10 de marzo, na porta da Casa do Concello ás 12.00 horas. Por outra banda, a carreira da muller "Moitos camiños, mesma meta", queda adiada á espera de poder establecer unha nova data.