O domingo, 9 de febreiro, de 10.30 a 18.00 horas, en conmemoración do día mundial dos humidais, realizarase unha ruta circular pola Lagoa de Cospeito. Deste xeito, os participantes poderán coñecer a fauna e flora do lugar e, ademais, contarán cunha visita guiada á Torre de Caldaloba, unha construción que data da época medieval e declarada como BIC no ano 1994. Haberá servizo de autobús e sairá ás 10.30 desde Bertamiráns e ás 10.45 do Milladoiro.