Venres, 21 marzo, 2025
- Tematica
A andaina de Riamontes, organizada pola Aula da Natureza, prevista para este domingo, queda aprazada debido ás condicións meteorolóxicas que se prevén para a xornada. Deste xeito, a ruta realizarase o vindeiro domingo día 30. Haberá servizo de autobús e sairá ás 10.00 horas da Casa da Cultura do Milladoiro e, ás 10.15 horas, do Pazo da Peregrina de Bertamiráns. Para calquera consulta, pódese contactar coa Aula da Natureza a través do enderezo electrónico auladanatureza@concellodeames.gal.
A Aula da Natureza organiza a ruta de sendeirismo de Riamonte, a última das súas actividades programadas para os meses de febreiro e marzo. Finalmente, a andaina realizarase o vindeiro domingo día 30 de marzo e os participantes poderán coñecer o conxunto etnográfico dos muíños desa contorna, así como toda a paraxe natural que compón esta fermosa ruta.