Mércores, 30 abril, 2025
A Axencia Estatal de Meteoroloxía (AEMET) informa dun fenómeno meteorolóxico adverso por tormentas e choivas, de nivel amarelo, que afectará a Ames dende as primeiras horas da tarde deste mércores, 30 de abril, e que se prolongará ata as primeiras horas da noite. Rógase que se extremen as precaucións e, en caso de emerxencia, prégase centralizar as chamadas de emerxencia ao 112, Policía Local: 619 76 75 75; ou Protección Civil: 673 17 88 88.
A Axencia Estatal de Meteoroloxía (AEMET) informa no boletín 134/71GAL, emitido o 29 de abril de 2025, ás 18.46 horas, dun fenómeno meteorolóxico adverso por tormentas nivel amarelo que afectará á provincia da Coruña (noroeste e interior), desde as primeiras horas da tarde do día 30.04.2025 e que se prolongará ata a medianoite do mesmo día.
A destacar que as precipitacións acumuladas por choivas nunha hora poderán acadar os 20 mm por hora e que, dado o carácter destes fenómenos, existe a posibilidade de saraiba e que se poidan producir tormentas de intensidade superior de forma puntual.
Descargas: