Pestanas principais

Alerta nivel amarelo por tormentas e choivas na tarde de hoxe mércores 2 de abril

Mércores, 2 abril, 2025
A Axencia Estatal de Meteoroloxía (AEMET) informa dun fenómeno meteorolóxico adverso por tormentas e choivas, de nivel amarelo, que afectará a Ames dende as primeiras horas da tarde deste mércores, 2 de abril, e que se prolongará ata as primeiras horas da noite. Rógase que se extremen as precaucións e, en caso de emerxencia, prégase centralizar as chamadas de emerxencia ao 112, Policía Local: 619 76 75 75; ou Protección Civil: 673 17 88 88.

A Axencia Estatal de Meteoroloxía (AEMET) informa no boletín 107/71GAL, emitido o 1 de abril de 2025, ás 18.56 horas, dun fenómeno meteorolóxico adverso por tormentas nivel amarelo que afectará á provincia da Coruña (noroeste e interior), desde as primeiras horas da tarde do día 2.04.2025 e que se prolongará ata as primeiras horas da noite do mesmo día.

En canto ao aviso por choivas, a AEMET informa no boletín 109/71GAL, emitido o 2 de abril de 2025, ás 8.58 horas, dun fenómeno meteorolóxico adverso por choivas que afectará tamén ao noroeste e interior da provincia da Coruña. Prevese que este fenómeno meteorolóxico comece a primeira hora da tarde de hoxe e se prolongue durante o resto do día.

Multimedia