Este luns 10 de xaneiro comezan as reformas na Casa da Cultura de Bertamiráns, que mellorarán o seu alumeado, renovarán pavimentos e falsos teitos no primeiro andar e engadirán novos espazos ao carón do auditorio, que se empregarán para un almacén, unha zona de acceso ao escenario e unha sala de lactancia. Ao estar situada na primeira planta, a Aula CeMIT amesá queda afectada polas obras, polo que terá que pechar as súas portas, continuando a atención ás usuarias e usuarios por vía telefónica, no 682 373 753, ou a través do correo electrónico cemit.ames@xunta.gal.