Este luns 10 de xaneiro comezan as reformas na Casa da Cultura de Bertamiráns, que mellorarán o seu alumeado, renovarán pavimentos e falsos teitos no primeiro andar e engadirán novos espazos ao carón do auditorio, que se empregarán para un almacén, unha zona de acceso ao escenario e unha sala de lactancia. Xa que as obras afectan directamente ao seus accesos e ao seu funcionamento habitual, tanto a biblioteca municipal como a súa sala de estudo permanecerán pechadas. O seu persoal indica ás usuarias e usuarios que poden realizar as súas consultas, devolucións, renovacións e reservas na biblioteca do Milladoiro, ou ben a través do enderezo biblioteca@concellodeames.gal ou do teléfono 981 530 807. Para facilitar as devolucións dos préstamos, a biblioteca habilitará un caixón onde poder depositar os exemplares retirados polos usuarios e usuarias.