Pestanas principais

Esgotadas as prazas para a actividade de Percubebés deste venres en Bertamiráns

Mércores, 2 abril, 2025
Están esgotadas as prazas para participar na actividade de "O cuco veu por acá e marchou por alá", da compañía Percubebés, que terá lugar este venres 4 de abril, ás 18.00 horas, no auditorio da Casa da Cultura de Bertamiráns. A través deste obradoiro-espectáculo musical os máis pequenos poderán adquirir ferramentas para mellorar a súa execución musical, ao mesmo tempo que aprenden pequenas cantigas propias da nosa cultura.

O programa Apego, un vehículo de transmisión da lingua
O programa Apego é un proxecto de dinamización lingüística dirixido ás familias que estean a esperar un bebé ou que teñan crianzas entre 0 e 6 anos. O seu obxectivo é promover, apoiar e normalizar o uso do galego na socialización da primeira infancia, achegando recursos e unha ampla proposta de actividades lúdicas e educativas.

As persoas interesadas en sumarse á iniciativa poden facelo poñéndose en contacto co Servizo de Normalización Lingüística do Concello de Ames, escribindo un correo a normalizacion@concellodeames.gal ou chamando ao número de teléfono 662 377 215. Así mesmo, tamén poden facelo cubrindo o formulario “Súmate ao apego”, que está dispoñible na páxina web do programa, apego.gal.

Multimedia