Pestanas principais

Esgotadas as prazas para a actividade do Mago Paco “A Maxia está nos contos”

Venres, 4 abril, 2025
Dende o Servizo de Normalización Lingüística do Concello de Ames informa de que xa están esgotadas as prazas para participar na actividade do Mago Paco “A Maxia está nos contos”, que se vai celebrar o venres 11 de abril, ás 18.00 horas, no auditorio da Casa da Cultura do Milladoiro. Trátase dunha actividade onde a maxia se mestura con contos e xogos para que os máis pequenos gocen dunha tarde ben divertida. Este espectáculo tamén se enmarca na programación Abril, mes do Libro en Ames.

O programa Apego, un vehículo de transmisión da lingua
O programa Apego é un proxecto de dinamización lingüística dirixido ás familias que estean a esperar un bebé ou que teñan crianzas entre 0 e 6 anos. O seu obxectivo é promover, apoiar e normalizar o uso do galego na socialización da primeira infancia, achegando recursos e unha ampla proposta de actividades lúdicas e educativas.

As persoas interesadas en sumarse á iniciativa poden facelo poñéndose en contacto co Servizo de Normalización Lingüística do Concello de Ames, escribindo un correo a normalizacion@concellodeames.gal ou chamando ao número de teléfono 662 377 215. Así mesmo, tamén poden facelo cubrindo o formulario “Súmate ao apego”, que está dispoñible na páxina web do programa, apego.gal.

Multimedia