Xoves, 4 xullo, 2019
O Concello de Ames, a través da Concellaría de Deportes, abre o prazo para inscribirse nas actividades terapéuticas de verán que se desenvolverán nas localidades de Bertamiráns e do Milladoiro durante os meses de xullo e agosto. As actividades de ioga e pilates impartiranse en horario de mañá, mentres que a actividade de aquagym será en horario de tarde. A actividade de aquagym é gratuíta. Tan só hai que achegarse as piscinas descubertas de Bertamiráns e do Milladoiro e participar, mentres para participar nas actividades de pilates e ioga hai que aboar 6 euros ao mes.
As inscricións poderanse tramitar ata que se cubran todas as prazas. Para inscribirse será necesario cubrir a ficha de inscrición, solicitar a folla de pagamento e entregar a documentación requirida na Casa da Cultura do Milladoiro ou na Oficina de Deportes de Bertamiráns, situada na Casa do Concello. A actividade de aquagym é gratuíta e sen inscrición previa. Tan só é necesario achegarse á piscina e participar. Para participar nas actividades de pilates e ioga hai que aboar 6 euros ao mes.
