Ames Emprega e Integra é un programa de inserción laboral para colectivos desfavorecidos do concello de Ames, que está cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020 (POPE), financiado polo Fondo Europeo de Desarrollo Regional (FEDER).

En setembro e outubro dan comezo novos cursos:

- Deseño e montaxe de instalacións fotovoltaicas e térmicas. Terá lugar do 27 de setembro ao 31 de outubro, en horario de 8:30 a 14:30 horas. Impartiranse 140 horas de formación presencial e 60 horas de prácticas no Centro de Formación e Emprego e Aldea Nova. 

-Empregados/as domésticos. Terá lugar do 2 ao 18 de outubro, en horario de 9:00 a 14:30 horas. Impartiranse 60 horas de formación nas instalacións de FORGA, no polígono do Novo Milladoiro. 

Para participar nos cursos é preciso ter a demanda de emprego de alta e residir en Ames. Pódese atopar máis información premendo nesta ligazón. As inscricións pódense facer chamando ao número de teléfono 674 59 48 43 (de 8:15 a 15:00 horas) ou cubrindo este formulario.