O Concello de Ames, a través da Policía Local, advirte á veciñanza amesá de que detectaron que están circulando polo municipio billetes falsos de 50 euros. Solicítase que extremen as precaucións e comproben os billetes, tanto antes de pagar como os que reciben de volta no momento de realizar algunha operación con diñeiro en metálico. En caso de detectar algún billete falso haberá que poñerse en contacto cos axentes da Policía Local de Ames chamando ao número de teléfono 619 76 75 75. Moitas gracias pola súa colaboración.