O Concello de Ames dispón dun vehículo especialmente habilitado para o transporte de persoas con dificultade de mobilidade e que se atopará o próximo domingo, 9 de xuño, a disposición de todos os veciños e veciñas de Ames para facilitar o exercicio do dereito ao voto.

As persoas interesadas en empregar o transporte adaptado municipal, deberán poñerse en contacto coa Oficina do Voluntariado, chamando ao teléfono 900 204 000, en horario de 9:00 a 14:00 horas, ata o xoves 6 de xuño, e facer a reserva do mesmo. O transporte adaptado ofrece o servizo de recollida no domicilio, o transporte ata a mesa electoral e o posterior regreso de novo ao domicilio.

Con este servizo de transporte, o Concello de Ames pretende, unha vez máis, facilitar as actividades da vida cotiá e, neste caso, o exercicio do dereito democrático ao voto, a todos os veciños e veciñas afectados por unha discapacidade que lles impide desprazarse en vehículo propio ou transporte público non adaptado.