O Concello de Ames, a través do departamento de Persoal, fai pública a resolución de catro procesos incluídos dentro do proceso de estabilización de emprego temporal da oferta de emprego público de 2022. Deste xeito, publícase a resolución de catro prazas de persoal de servizos xerais a media xornada; dezaseis prazas de persoal de servizos xerais a xornada completa; dunha praza de profesor de batería/percusión, e dunha praza de profesor de violín.