Ata o vindeiro día 6 está aberto o prazo de inscrición extraordinario da Escola Municipal de Música de Ames, a EMMA, de cara ao curso 2024-2025. A inscrición poderase realizar a través da Sede electrónica do Concello de Ames, ou ben de xeito presencial nos rexistros municipais. As clases darán comezo o 16 de setembro.

Premendo nas ligazóns que están ao pé deste aviso pódense obter os menús do Setembro Lúdico 2024 (almorzo e xantar). Estes menús foron elaborados pola nutricionista municipal do Concello de Ames.

Este xoves, 29 de agosto, a praia fluvial de Tapia acollerá a sétima e derradeira xornada dos Seráns de Ames. Esta iniciativa, que se desenvolveu durante os meses de xullo e agosto, acolle nesta ocasión o espectáculo do monologuista Manolo Boquete, ás 19:00 horas. O cantautor e monologuista será o encargado de pechar el ciclo estival “Seráns de Ames” cun espectáculo no que a música, os contos e historias e o bo humor son os ingredientes principais para arrancar as risas do público, ao que o monologuista interpela con frecuencia para implicalo nas súas actuacións.

Premendo na ligazón que está ao pé deste aviso pódese obter o menú das escolas infantís municipais de Ames para esta semana. Este menú foi elaborado pola nutricionista municipal do Concello de Ames.