Dentro do ciclo Abril de Cine, o xoves 11 de abril proxéctase a película Les 400 Coups (Os 400 golpes), unha obra clave da “nouvelle vague” na que se conta a historia de Antoine Doinel, quen con 14 anos non só é testemuña dos problemas de parella dos seus pais senón que tamén debe soportar as esixencias dun severo profesor. O escritor, xornalista e guionista Diego Ameixeiras será o convidado desta sesión. A proxección será na Casa da Cultura do Milladoiro, ás 20:00 horas.