A Concellaría de Cultura prosegue en outubro co Ciclo Mestre Mateo, coa proxección do filme “Malencolía”, nominado na categoría de mellor longametraxe nos XX Premios Mestre Mateo e premiada nas categorías de interpretación de reparto feminina e masculina. A película conta a historia de Sira e Pepe, unha parella que tras vivir unha década en Berlín decide voltar a Galicia e mercar unha casa nunha aldea a priori deshabitada en Ourense. Será o mércores 19 de outubro, ás 20:00 horas, na Casa da Cultura de Bertamiráns. Os convites, de balde, xa se poden retirar na Billeteira electrónica do Concello de Ames.