“TRES” é o novo thriller de Juanjo Giménez protagonizado por unha brillante Marta Nieto que interpreta a C., unha deseñadora de son que goza do seu traballo e pasa moitas horas soa, gravando efectos sala, wild-tracks, editando, mesturando. O estudo é o seu último refuxio: un lugar onde postergar as avariadas relacións que mantén coa súa exparella, coa súa anciá nai e cos seus compañeiros de traballo. Aínda que ela non o sabe, C comeza a desincronizarse. Coma se fose unha película mal sonorizada, o seu cerebro procesa o son máis tarde que as imaxes. Completan a repartición Miki Esparbé, Francisco Reyes e os actores galegos Luisa Merelas, Cris Iglesias e Fran Lareu.

A proxección deste film será o mércores 16 de novembro, ás 20:00 horas, na Casa da Cultura de Bertamiráns. Os convites, de balde, xa se poden retirar na Billeteira electrónica do Concello de Ames.