- Tipo
- Tematica
O Concello de Ames oferta para o primeiro semestre de 2025 unha programación de artes escénicas composta por un total de 13 obras, de teatro, danza e circo, dirixidas para público adulto e infantil. A segunda das actuacións dirixida a público infantil será a da peza teatral "Compaña", da compañía Xampatito Pato, que se representará o 21 de xaneiro, ás 18.00 horas, no auditorio da Casa da Cultura de Bertamiráns. As entradas poden adquirirse na Billeteira electrónica a partir do 8 de xaneiro.
A segunda das pezas dirixidas para público infantil e familiar será coa representación da obra de novo circo “Compaña”, de Xampatito Pato. A peza é unha historia que narra a situación dun personaxe solitario que busca compañía entre bonecos e marionetas e que, no camiño deste proceso, interactúa co público.
Un personaxe solitario en busca de compañía explora a súa imaxinación para dar vida a cada un dos seus pensamentos. A través deste proceso, consegue sentirse acompañado e leva o público por un camiño cheo de sorpresas e risas.
