O venres 9 de agosto, ás 22:00 horas, a cantante e música Guadi Galego ofrecerá un concerto no parque do Ameneiral, en Bertamiráns, no que presentará o seu novo espectáculo “Síntese horizonte”, expresamente concibido para representar ao vivo sobre as táboas do escenario. Esta actuación, integrada na programación cultural do Concello de Ames, enmárcase na celebración das festas da Peregrina de Bertamiráns. A entrada será libre e de balde.