- Tipo
- Tematica
O departamento de Bibliotecas do Concello de Ames, dependente da Concellería de Cultura, Turismo, Axenda Urbana e Comunicación, presenta a súa programación de contacontos para os primeiros meses do ano e que, como vén sendo habitual, traerá ata as bibliotecas do Milladoiro e Bertamiráns as mellores historias para que os máis cativos de Ames poidan gozar da lectura.
A primeira das sesións realizarase no mes de febreiro, cos "Contos para xogar". En Bertamiráns estarán o martes 4, mércores 5 e xoves 6 de febreiro ás 17.30 horas. As inscricións para a actividade estarán abertas do 27 de xaneiro ao 1 de febreiro e pódense facer chamando ao 981 884 829 ou enviando un correo electrónico a biblioteca@concellodeames.gal indicando o nome, apelidos e idade das crianzas que van a participar, xunto cun número de teléfono de contacto.
