O Concello de Ames quere neste ano 2021 recoñecer a traxectoria do catedrático e cofundador do Instituto da Lingua Galega, Ramón Lorenzo, cunha recepción oficial. Será no transcurso do acto de celebración do Día de Galicia en Ames que terá lugar o luns 26 de xullo a partir das 20:30 no Pazo da Peregrina. Ao acto asistirá a corporación municipal e falarán os voceiros dos grupos políticos con representación municipal. A música correrá a cargo do Grupo Barahúnda.