- Tipo
- Tematica
O parque do Ameneiral, situado en Bertamiráns, acolle a segunda xornada do programa de “Volta ao cole co comercio”. Será o venres 13 de setembro de 17.00 a 20.00 horas. Esta iniciativa ten o obxectivo amenizar os preparativos da volta aos centros de ensino, fomentando á vez o comercio e a hostalaría dos dous principais núcleos de Ames.
Os nenos e nenas de 3 anos en diante poderán saltar en diferentes inchables e participar en distintos xogos do mundo, dirixidos a todos os membros da familia. As actividades pecharanse cunha holi party, unha festa de pos de cores.
Ademais, sortearanse diferentes vales de compra para diversas librerías e papelerías e vales do Concello, así como vales de compra cortesía da Xuntanza de Empresarios de Ames (XEA). O sorteo será ás 20.00 horas despois da holi party.
![](https://www.concellodeames.gal/sites/default/files/eventos/imagenes/2024/09/volta_ao_cole_2024_-_a3_3.jpg)