A festividade arrinca o sábado, día1, ás 9:00 horas, con 21 bombas de palenque. Ás 9:30 horas haberá un pasarrúas da man do grupo de gaitas Os Retranqueiros, unha actuación incluída dentro do programa "Música nas parroquias", organizado pola Concellaría de Cultura. A continuación ofrecerase a sesión vermú, que contará co grupo Rosan, orquestra que tamén estará presente na verbena, xunto cos DJs Frisco, Marcos Peón, Celso Bayo e Hugo Leivas. 

O domingo volveranse tirar, arredor das 9:00 horas, 21 bombas de palenque. Xa ás 9:30 haberá de novo un pasarrúas, a cargo de Os retranqueiros, tamén dentro da programación de "Música nas parroquias". As festas pecharanse cunha sesión vermú e unha gran verbena amenizadas pola orquestra Barceló.