O Concello de Ames organizará o próximo sábado 23 de abril a súa primeira xornada dedicada á saúde mental e ao benestar das crianzas e da mocidade. “Coidados á mente” acollerá tres conferencias, unha mesa redonda e dous talleres simultáneos, que se poderán seguir de xeito presencial na Casa da Cultura de Bertamiráns ou ben a través de streaming. A xornada está dirixida a profesionais de todos os sectores que traballan coa xente moza, ou ben a familias interesadas no benestar psicolóxico. Para inscribirse, de balde, cómpre enviar un correo ao enderezo electrónico amesjornadasaludmental@gmail.com, indicando datos persoais e se se asistirá presencialmente ou a distancia. Preme aquí para consultar a programación ao completo.