A zumba é unha actividade dirixida na que a música, o ritmo, a danza e o baile son contidos fundamentais. Neste caso, búscase fomentar a conciliación e fornecer os hábitos saudables a través da actividade física que supón o baile, xa dende a infancia. Ademais, quérense eliminar os estereotipos de xénero no mundo da danza. Mediante a masterclass, a rapazada e as súas familias poderán expresarse corporalmente a través de música con diferentes ritmos. Así, tomarán maior coñecemento do seu esquema corporal, e mellorarán a súa coordinación, lateralidade, equilibrio, ritmo, etcétera.

Terán prioridade na inscrición as familias monoparentais e monomarentais; as vítimas de violencia de xénero e doutras formas de violencia contra a muller; as mulleres en situación de desemprego de longa duración; as mulleres maiores de 45 anos ou as unidades familiares nas que existan outras cargas relacionadas cos coidados e a comunidade universitaria da USC.