Co gallo da celebración do seu Día Mundial, a Escola de Teatro de Ames abrirase á veciñanza ao celebrar un obradoiro de aproximación a esta arte escénica. O taller, de balde, desenvolverase na praza de Chavián, en Bertamiráns, de 12:00 a 14:00 horas. Tratarase dunha actividade aberta e accesible, baseada en exercicios de “clown”, pantomima e teatro cómico para os que non cómpre experiencia previa.