Ao longo de marzo, mes no que se conmemora o Día Internacional da Muller, o Concello de Ames celebrará nove charlas e un taller sobre autocoidados femininos impartidos por expertos en regulación emocional e hábitos saudables. As actividades enmárcanse dentro da programación do Concello de Ames con motivo do 8M. O mércores 22 de marzo, ás 19:00 horas, terá lugar a charla "Regulación emocional", impartida por Belén Montesa Lou. Será na Casa dos Maiores de Bertamiráns.