A Aula da Natureza, dentro da súa programación de outono, continúa organizando diversos obradoiros e cursos. Neste caso, ofrece unhas xornadas de formación en cultivos de horta durante os meses de inverno. Impartiranse os sábados 9 e 16 de novembro, en horario de 10.00 a 13.00 horas, no invernadoiro municipal de Barouta. Na primeira xornada abordarase a planificación de cultivos de inverno, mentres que na segunda tratarase o control de pragas e enfermidades nos cultivos.