Excelentes resultados do Club Atletismo Millaraio no XVII Campionato de Galicia de inverno en marcha en pista, con sete atletas participantes e un total de tres medallas gañadas.

Salomé Segade gañou a medalla de ouro na categoría sub16 feminino. Alfonso Labella obtivo a medalla de prata en categoría sub14 masculino e Manuel Labella conseguiu a  medalla de bronce na categoría sub16 masculina.

Ademais, os sub12 David Moreno e Nadir Moreira conseguiron rematar a súa proba sen avisos na súa estrea nesta modalidade, sendo finalmente oitavo e novena. Sara Lema tamén rematou sen avisos a proba sub16, mentres que Sofía Campos foi descualificada a 100 metros da meta cando ía rematar en primeira posición nesta categoría.