O servizo de campamentos de verán 2024 está dirixido á rapazada que estea cursando os niveis de infantil, primaria, secundaria ou bacharelato. Trátase dunha oferta lúdica e formativa de desenvolvemento persoal concibida para, de xeito progresivo, dotar aos nenos/as e mozos/as das ferramentas precisas para lograr a súa autonomía e independencia, e fomentar a convivencia, a cooperación, o respecto e un xeito saudable ao tempo que os achega ao medio natural, ao deporte e á cultura. Preme nesta ligazón para descargar o impreso de matrícula.

Prazas dispoñibles
Os campamentos nos que quedaron prazas vacantes son os seguintes:

• Granxa escola Bergando:
• 2º ciclo de Infantil: do 4 ao 6 de xullo. 10 prazas dispoñibles.
• 1º de Primaria: do 1 ao 3 de xullo. 15 prazas dispoñibles.
• Corazón de Carballo (2º de Primaria): do 22 ao 24 de xullo. 8 prazas dispoñibles.
• Granxa escola El Kiriko:
• 3º de Primaria: do 14 ao 17 de xullo: 10 prazas dispoñibles.
• Praia de Patos (6º de Primaria):
• 1ª qunda: do 23 ao 28 de xuño. 7 prazas dispoñibles.
• 2ª quenda: do 30 de xuño ao 5 de xullo. 4 prazas dispoñibles.
• Alvarella Fragas do Eume (8-14 anos):
• 2ª quenda: do 19 ao 21 de xullo. 3 prazas dispoñibles.

Matrícula
O prazo de matrícula estará aberto dende o 11 ata o 20 de xuño. Para facer a inscrición débese presentar:

• Impreso de matrícula debidamente cumprimentado.
• Copia da tarxeta sanitaria.
• Certificado médico (só no caso de padecer enfermidade que deba ser reflectida).
• Ficha de coñecemento persoal para o campamento Alvarella Fragas do Eume 2ª quenda (se é preciso).

A documentación presentarase preferiblemente a través do Rexistro telemático na Sede electrónica do Concello ou no rexistro de calquera administración pública adherida á plataforma de intercambio rexistral (SIR).

Os impresos para facer efectivo o pagamento de cada campamento (impreso de autoliquidación), enviaránselle ao correo electrónico facilitado por cada usuario/a na fase de preinscrición. Estes documentos indicarán os prazos nos que debe realizarse o abono.

Pagamento
O pagamento das taxas poderá fraccionarse en dous pagos (50% do custe de cada un).

Os impresos para facer efectivo o pagamento enviaránselle ao correo electrónico facilitado polos/as usuarios/as na súa solicitude de praza. Excepcionalmente poderá solicitarse o impreso de pagamento de xeito presencial nas Oficinas de Recadación do Milladoiro e de Bertamiráns ou a través do correo electrónico ames@canaltributos.com.

No caso de dispor de Certificado Dixital ou DNI electrónico poderase descargar ou pagar a autoliquidación premendo nesta ligazón, ou ben a través da banca electrónica de ABANCA.

Máis información
Para máis información pódese contactar coa Aula da Natureza, chamando ao número de teléfono 660 004 665 ou enviando un correo electrónico a auladanatureza@concellodeames.gal, ou ben coa Concellaría de Xuventude, chamando ao teléfono 616 083 229 ou escribindo a xuventude@concellodeames.gal. O horario de atención de ambos departamentos será de 9:00 a 14:00 horas.