- Tematica
Un ano máis o Concello de Ames colabora co programa Vacacións en Paz, que leva a cabo a Asociación Solidariedade Galega co Pobo Saharauí, a través do cal as familias do municipio acollen durante os meses de xullo e agosto nenos e nenas saharauís. Nesta edición son 11 familias amesás as que acollen a 7 nenas e 4 nenos ata o vindeiro 9 de setembro. Estes rapaces e rapazas chegaron a Ames os días 7 e 9 de xullo. Destes 11 nenos e nenas, 6 participan por primeira vez este ano no programa de Vacacións en Paz. Está previsto que durante a última semana deste mes de agosto visiten a Casa do Concello.
Jadiyetu, Aichatu, Zahra, Mulay, Jalil, Salma, Handu, Hasanna, Munina, Brahim e Iman son as 7 nenas e 4 nenos que chegaron a Ames os días 7 e 9 de xullo. Deste xeito, 11 familias de Ames volven a participar durante este verán co programa Vacacións en Paz, que leva a cabo a Asociación Solidariedade Galega co Pobo Saharauí. Os 11 rapaces e rapazas estarán en Ames ata o vindeiro 9 de setembro. Volverán aos campamentos os días 7 e 9 de setembro.
Algúns deste nenos e nenas, xunto coas súas familias de acollida, pasaron a semana pasada polas instalacións de Ames Radio para falar das súas vacacións en Ames durante este verán. Todos eles coincidiron en enumerar a praia, a piscina e a comida, como aquilo que máis lle gusta das súas vacacións. Destes 11 nenos e nenas, 6 participan por primeira vez este ano no programa de Vacacións en Paz.
Este programa preséntase nun marco de solidariedade e axuda desinteresada co fin de propiciarlles unha estancia agradable e humanamente rica aos rapaces e rapazas saharauís. Trátase de ofrecerlles a estes nenos/as, que naceron nun clima de guerra, a posibilidade de coñecer outros xeitos de vida, de maneira que iso contribúa, a súa formación.
O goberno municipal asinou de novo este ano un convenio de colaboración coa asociación Solidariedade Galega co Pobo Saharauí, a través do cal durante os meses de xullo e agosto estes 11 nenos/as saharauís pasarán as súas vacacións en Ames. O Concello actúa de mediador entre as familias amesás e esta asociación para xestionar a estadía dos rapaces e rapazas saharauís en Ames. A Administración local encárgase de pagar o billete de avión (ida e volta) de cada rapaz/a.
A concelleira de Benestar Social, Luísa Feijóo, explica que a vontade do Concello é manter o seu compromiso con este proxecto solidario coas nenas e nenos do Sáhara. “A intención deste goberno é seguir nesta liña e de cara a vindeiros anos queremos manter a colaboración que tempos con SOGAPS Galicia, xa que isto permite que varias nenas e nenos do Sáhara poidan convivir con familias do noso municipio”.
Ligazóns:
El Correo Gallego: "Acogen a once niños saharauis en la capital de A Maía"
La Voz de Galicia: "Once familias amienses acogen a niños saharauis hasta el 9 de septiembre"
Compostela 24 horas: "11 nenas e nenos saharauís pasan o verán con familias amesás"
