O servizo de bibliotecas continúa coa súa programación de actividades especiais para celebrar o mes do libro. Nesta ocasión, organizan un obradoiro de encadernación xaponesa, que se vai impartir o venres 25 de abril no Milladoiro e o sábado 26 en Bertamiráns.

A rapazada que participe nesta actividade poderá aprender a levar a cabo este tipo de encadernación artesanal e manual. Polo xeral, adoita a realizarse con obxectos coma os álbums de fotos, libros ou diarios que teñan na súa portada e contraportada tapas duras.

Deste xeito, os nenos e nenas poderán traballar a súa creatividade, ao tempo que gozan dunha xornada diferente de lecer. O obradoiro, dirixido para a rapazada que cursa 3º de primaria en diante, desenvolverase o día 25 de abril, ás 17.00 horas, a biblioteca do Milladoiro. Por outra banda, en Bertamiráns realizarase o sábado 26 ás 11.30 na biblioteca municipal.

O prazo para inscribirse está aberto desde o pasado venres día 11, ata o vindeiro luns 21 de abril. A inscrición pode facerse chamando ao 981 884 829 (biblioteca de Bertamiráns) ou 981 530 807 (biblioteca do Milladoiro) ou enviando un correo electrónico ao enderezo biblioteca@concellodeames.gal indicando o nome, apelidos, curso e idade, así como un número de teléfono de contacto.

Novas relacionadas:

Diario de Santiago: "Aberto o prazo de inscrición para participar no obradoiro de encadernación xaponesa, en Ames"