[27-10-2017] O Concello de Ames, a través da Concellaría de Servizos Sociais, informa de que este xoves, 26 de outubro, saíu publicada, no Boletín Oficial da Provincia (BOP), a convocatoria de axudas orientada ao apoio económico das familias numerosas do municipio. A contía total destinada a estas axudas é de 120.000 euros, sendo de 1.200€ o máximo do importe individual concedido a cada unidade familiar. As persoas interesadas poderán presentar as solicitudes no Rexistro Xeral do Concello ata o vindeiro 27 de novembro. Para obter máis información pódese chamar aos números de teléfono 981 535 941 e 981 890 964.