Pestanas principais

Abre o prazo de inscrición para participar na actividade do Mago Paco “A Maxia está nos contos”

Xoves, 03 de abril de 2025

O programa do Apego segue a ofrecer unha ampla oferta de actividades para as crianzas amesás ao longo deste vindeiro mes de abril. Desta volta, co espectáculo do Mago Paco “A Maxia está nos contos”, que se desenvolverá o venres 11 de abril, ás 18.00 horas, na Casa da Cultura do Milladoiro. O prazo de inscrición está aberto ata o xoves día 10. Non se admitirán inscricións fóra de prazo e as prazas asignaranse por orde de recepción de solicitude. Para participar, é preciso enviar un correo ao enderezo electrónico normalizacion@concellodesmes.gal no que se indique o nome e apelidos das persoas que queren asistir, idade das crianzas e un teléfono de contacto.

Ao longo deste mes de abril, o proxecto Apego continúa coa súa programación de actividades para as crianzas de Ames. Nesta ocasión, cunha actividade do Mago Paco que tamén se enmarca na programación Abril, mes do Libro en Ames. Trátase do espectáculo "A maxia está nos contos", unha actividade onde a maxia se mestura con contos e xogos para que os máis pequenos gocen dunha tarde ben divertida. Este espectáculo, que está dirixido ao público infantil e as súas familias, é de balde.

O prazo de inscrición para esta actividade está aberto ata o xoves día 10 de abril. Non se admitirán inscricións fóra de prazo e as prazas asignaranse por orde de recepción de solicitude. Para participar, é preciso enviar un correo ao enderezo electrónico normalizacion@concellodesmes.gal no que se indique o nome e apelidos das persoas asistentes, idade das crianzas e un teléfono de contacto.

O programa Apego, un vehículo de transmisión da lingua
O programa Apego é un proxecto de dinamización lingüística dirixido ás familias que estean a esperar un bebé ou que teñan crianzas entre 0 e 6 anos. O seu obxectivo é promover, apoiar e normalizar o uso do galego na socialización da primeira infancia, achegando recursos e unha ampla proposta de actividades lúdicas e educativas.

As persoas interesadas en sumarse á iniciativa poden facelo poñéndose en contacto co Servizo de Normalización Lingüística do Concello de Ames, escribindo un correo a normalizacion@concellodeames.gal ou chamando ao número de teléfono 662 377 215. Así mesmo, tamén poden facelo cubrindo o formulario “Súmate ao apego”, que está dispoñible na páxina web do programa, apego.gal.

Novas relacionadas:

AMSGO!: "Abre o prazo de inscrición para participar na actividade do Mago Paco, A Maxia está nos contos"

Abre o prazo de inscrición para participar na actividade do Mago Paco “A Maxia está nos contos”

Multimedia

  • Abre o prazo de inscrición para participar na actividade do Mago Paco “A Maxia está nos contos”