Pakolas é un autor e compositor de música pensada para os cativos. Ao longo da súa traxectoria profesional pasou polos grupos Mamá Cabra e A Gramola Gominola, do que forma parte na actualidade. Conta con dous discos en solitario no mercado, e “A Ramona Pequena” é o seu último proxecto. Pódese atopar máis información sobre os seus karaokes premendo nesta ligazón.

O concerto, en primicia para o Concello de Ames, é totalmente de balde, e os interesados en asistir só deben enviar un correo electrónico ao enderezo normalizacion@concellodeames.gal, indicando o nome e apelido das persoas participantes, un teléfono de contacto e as idades dos nenos que acudan. O prazo para anotarse está aberto dende hoxe ata o xoves 27 de outubro. As prazas asignaranse respectando a orde de recepción das solicitudes, e non se admitirán inscricións fóra de prazo.

O programa Apego, unha iniciativa pensada para as familias

O programa Apego é un proxecto colaborativo entre varios concellos que vai dirixido a todas as familias que estean a preparar a chegada dun novo membro ou que teñan crianzas entre os 0 e os 6 anos. Ten como obxectivo a promoción e o uso do galego no entorno familiar a través de xogos, actividades e recursos.

Os interesados en coñecer máis sobre a iniciativa poden consultar a páxina web apego.gal ou poñerse en contacto co Servizo de Normalización Lingüística do Concello de Ames a través do teléfono 622 377 215 ou escribindo un correo a normalizacion@concellodeames.gal. A programación de Apego durante o outono de 2022 pode consultarse ao completo nesta ligazón.

Novas relacionadas:

El Correo Gallego: "Pakolas vai preestrear en vivo ‘A Ramona Pequena’"