O auditorio da Casa da Cultura do Milladoiro acollerá este martes, 16 de maio, a partir das 19.00 horas, un debate entre seis dos sete candidatos/as á alcaldía do Concello de Ames. O debate será aberto ao público en xeral.

Participarán as cabezas de lista e candidatas a alcaldía de Ames: Blas García (PSdeG – PSOE); Oliva Agra (Partido Popular); David Santomil (BNG); Vanessa Vidal (Podemos); Luísa Feijóo (Espazo Común); e Andres Pena (VOX).

O debate estará estruturado en seis bloques
O debate estará estruturado en seis bloques. No primeiro e último, as cabezas de lista de cada formación terán un minuto de intervención para unha exposición inicial e unha final.

Na parte central do debate, abordaranse catro áreas: unha primeira sobre Economía e Emprego; unha segunda sobre Educación e Cultura; unha terceira que tratará sobre Servizos Sociais e Saúde; e unha última sobre Obras, Servizos e Infraestruturas. Os/as candidatos e candidatas contarán cun tempo de dous minutos para a exposición e debate de cada temática.

As instalacións de Ames Radio acolleron esta mañá a realización do sorteo para establecer a orde de intervención de cada candidato/a nos diferentes bloques establecidos no debate.

Retransmisión do debate
O debate electoral poderá seguirse a través de Ames Radio (107.2FM ou www.amesradio.gal) e a través da canle de Youtube do Concello de Ames. O propio día do debate poderase acceder a esta canle a través dun banner fixo situado na cabeceira da páxina web municipal: www.concellodeames.gal.

O debate quedará gravado, polo que as persoas que non o poidan seguir en directo, poderán velo e escoitalo na Canle de Youtube do Concello e na páxina web de Ames Radio https://amesradio.gal/.

Novas relacionadas:

El Correo Gallego: "Veciños teenses da Baiuca e Ames Radio divulgan entrevistas cos seus candidatos"

AMS GO!: "Ames Radio acolle un debate electoral con seis candidatos á alcaldía de Ames"