Este sábado 11 de setembro aterra no Concello de Ames o programa “Mocidade Creativa” que impulsa a área de Mocidade da Deputación da Coruña. Serán catro horas de obradoiros en que a rapazada amesá poderá achegarse á danza urbana, ao mundo do graffiti e participar nunha sesión de DJ.
Impulsar e dar a coñecer o traballo de mozos e mozas artistas, ese é o obxectivo do programa “Mocidade Creativa”. A Deputación da Coruña promove, a través de microfestivais, a contratación de mozos e mozas da provincia que comezan a súa andaina profesional no mundo da cultura, aumentando así a oferta de ocio para a mocidade.
O programa finaliza no Concello de Ames logo de gozar de éxito en outros cinco concellos da provincia. “Mocidade Creativa” percorreu os concellos de Noia, Boiro, Outes, A Pobra do Caramiñal e Valdoviño con concertos, espectáculos de maxia, exhibicións de baile, monólogos ou talleres de cultura urbana.
A quenda da rapazada amesá chega este sábado 11 de setembro. O lugar escollido sé a Praza de Chavián en Bertamiráns, onde se impartirán obradoiros de graffiti, danza urbana e unha sesión de DJ.
A tarde comezará ás 17:30 cun obradoiro de graffiti. Durante unha hora e media a rapazada coñecerá de primeira man a técnica desta parte da cultura do hip hop. Ás 19:00 chega a quenda do baile, entre as 19:00 e as 20:30 van poder participar nun obradoiro de danza urbana e de gorras. Para pechar a xornada unha sesión de DJ a cargo de DJ Ayman.
Novas relacionadas:
El Correo Gallego: "Sábado de cultura urbana desde la Praza de Chavián con el programa Mocidade Creativa"
