Para reservar praza nestas sesións de animación á lectura, de aforo limitado, cómpre poñerse en contacto co Departamento de Bibliotecas de Ames, a través do enderezo electrónico biblioteca@concellodeames.gal. Por outra banda, pódese solicitar a inscrición falando directamente coa biblioteca á que se desexe asistir: para a biblioteca do Milladoiro, consultando no 981 53 08 07, mentres que para a de Bertamiráns, chamando ao 981 88 48 29.

Bruxas, xigantes e galiñas

“Bruxas, xigantes e galiñas” é a nova proposta de narrativa oral das bibliotecas de Ames para este mes de decembro. A sesión de contacontos, orientada á rapazada dos 3 aos 8 anos, fará tres paradas en cada unha das dúas bibliotecas do concello. No Milladoiro estará o 30 de novembro e os días 1 e 2 de decembro, mentres que en Bertamiráns parará os días 14, 15 e 16 de decembro, a partir das 17:30 horas.

O prazo de inscrición xa está aberto para as sesións na biblioteca do Milladoiro, dende este luns 22 ata o 27 de novembro, chamando ao 981 53 08 07 ou enviando un correo ao enderezo biblioteca@concellodeames.gal.

Decora o teu Nadal

Co gallo das festas do Nadal, a programación de decembro inclúe o obradoiro “Decora o teu Nadal”, pensado para que os nenos e nenas dende 3º a 6º de primaria elaboren os seus propios adornos e decoracións de cara a estas festas. Os talleres terán lugar en Bertamiráns, o mércores 22 de decembro, e no Milladoiro, o xoves 23, ás 11:30 horas.

As inscricións para ambas bibliotecas estarán abertas do 9 ao 18 de decembro, contactando ao enderezo biblioteca@concellodeames.gal, ou ben a través do teléfono indicado para cada centro: para a biblioteca do Milladoiro, o 981 53 08 07, mentres que no caso de Bertamiráns, o 981 88 48 29.