O Concello de Ames, a través do departamento de Bibliotecas Municipais, continúa neste mes de abril, no que se conmemora o Mes do Libro, coas sesións enmarcadas dentro do programa “Encontros Literarios”, unha actividade que ten como obxectivo difundir e promover literatura en galego, xunto con dar a coñecer novos autores ou escritores próximos.

“Comida para gatos e outras delicatessen indixestas” de Luz Darriba
A protagonista desta sesión dos Encontros Literarios é Luz Darriba, unha artista multidisciplinar nada en Uruguai e que reside en España desde 1990. Leva décadas dedicada ao mundo da arte plástica, ámbito no que goza de gran recoñecemento e prestixio. Dentro da súa ampla traxectoria profesional, destaca o proxecto levado a cabo no ano 2000 que axudou a que a muralla romana de Lugo fora recoñecido como patrimonio da humanidade. No 2018 recibiu o Premio da Cultura Galega das Artes Plásticas.

En canto á literatura, Luz Darriba leva fusionando á ilustración e pintura cos libros dende os seus comezos, mais afondou máis nesta cuestión a comezos da década do 2010. "Comida para gatos e outras delicatessen indixestas" é a súa última obra, no que fai unha recompilación de dez relatos nos que se plasman diferentes asuntos e inquedanzas como poden ser a procura incansable do amor, a frustración ou a soidade.

Novas relacionadas:

Diario de Santiago: "Continúan os Encontros Literarios coa presentación este mércores de “Comida para gatos e outras delicatessen indixestas”, de Luz Darriba"